02.07.2026 | 12:16
ՀՀ-ն կդառնա ԵՄ անդամության կարգավիճակ չունեցող առաջին երկիրը, որի նկատմամբ ԵՄ-ն կկիրառի այս գործիքը․ Փաշինյան․ ՏԵՍԱՆՅՈՒԹ
«Պատմություն առարկան հանելն արտագաղթի ամենամեծ վտանգն է դառնալու». Վարդան Դևրիկյան. ՏԵՍԱՆՅՈՒԹ
Հասարակություն
13.11.2019 | 17:57
Բարեբախտաբար, թե դժբախտաբար, ես ոչ լեզվաբան եմ, ոչ պատմաբան, և կարող եմ ավելի հանգիստ խոսել․ գոնե չեն ասեի, թե դու էլ մասնագիտական առումով պաշտպանում ես այդ բնագավառը։ Հայոց լեզուն որպես պարտադիր առարկա չդասավանդելը, մասնագիտական առումով, անթույլատրելի եմ համարում։ Այս մասին այսօր հրավիրված ասուլիսի ընթացքում նշեց ՀՀ Գիտությունների ազգային ակադեմիայի Գրականության ինստիտուտի տնօրեն Վարդան Դևրիկյանը։
«Լեզուն առաջին հերթին հաղորդակցման միջոց է, իսկ բուհերում դասավանդելը՝ մասնագիտական միջոց։ Եթե հայոց լեզուն չդասավանդենք, վաղը քաղաքական գործիչներից մինչև նեղ մասնագետներ, չեն կարողանալու իրենց մտքերն արտահայտել կամ հայերենով գրել։ Մենք հասել ենք այն բանին, որ հայերենը դարձել է գիտության լեզու։ Ինչ վերաբերում է հայոց պատմությանը, ապա առանց դրա իմացության, ՀՀ քաղաքացին չի կարող լինել։ Մենք չենք կարող եվրոպական զարգացած երկրներին հասնել այնպիսի ձևով, որ հայը Հայաստանում մնա զուտ պրագմատիկ նպատակով։ Եթե մենք հանենք հիշողության այդ բաղադրիչը՝ պատմությունը, դա կդառնա արտագաղթի ամենամեծ խթանը»,- ասաց Վարդան Դևրիկյանը։
Մանրամասները՝ տեսանյութում։
Նելլի Մելքոնյան
