04.03.2026 | 21:43
Իրանի դեսպանը կանչվել է Թուրքիայի ԱԳՆ. նրան բողոք է ներկայացվել
«Սա համերաշխության գործադուլ է, ոչ թե նախազգուշական»․ Յուրի Ավետիսյան. ՏԵՍԱՆՅՈՒԹ
Հասարակություն
13.11.2019 | 16:20
Հայտարաորւմ ենք համերաշխության մեկօրյա գործադուլ՝ որպես միաբանութան քայլ։ Մեր հայտարարությունը քաղաքական որևէ նպատակ կամ շարժառիթ չի հետապնդում։ Եթե կա քաղաքականություն, ապա խոսքը միայն կրթական քաղաքականության մասին է։ Այս մասին այսօր հրավիրված ասուլիսի ընթացքում նշեց Երևանի պետական համալսարանի հայոց լեզվի ամբիոնի վարիչ Յուրի Ավետիսյանը։
«ԵՊՀ հայ բանասիրության և պատմության ֆակուլտետների պրոֆեսորադասախոսական կազմն իր համերաշխությունն է հայտնում ուսանողական շարժմանը՝ ի պաշտպանություն բուհերի ոչ մասնագիտական ֆակուլտետներում հայոց լեզու և գրականություն, հայոց պատմություն առարկաների պարտադիր ուսուցման դրույթներին։ Դասախոսական ամբողջ կազմն է այս հայտարարության տակ ստորագրել կամ համամիտ է։ Իհարկե, առանձին բառացություններ կան։ Նախատեսում և ակնկալում ենք հարցի հրատապ քննարկում՝ բոլոր շահագրգիռ, իրավասու կողմերի, մասնավորապես ՝ կրթության, գիտության, մշակույթի և սպորտի նախարարի մասնակցությամբ ՝ առանց քաղաքական շահարկումների։ Հորդորում ենք ուսանողությանը՝ դադարեցնել դասադուլը։ Հայտարարության բուն տեքստում «նախազգուշական» արտահայտությունը չկա, որովհետև սա ընդամենը համերաշխության գործադուլ է»,- ասաց Յուրի Ավետիսյանը։
Մանրամասները՝ տեսանյութում։
Նելլի Մելքոնյան
