05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
Օրենքով գողերի նման խելոք մարդիկ աշխարհում չկան. Վարդան Ղուկասյան. ՏԵՍԱՆՅՈՒԹ
13.11.2019 | 12:22
ԱԺ «Բարգավաճ Հայաստան» խմբակցության պատգամավոր, Գյումրու նախկին քաղաքապետ Վարդան Ղուկասյանը դժգոհ է այն խոսակցություններից, թե իր քաղաքապետ եղած ժամանակ Գյումրիում կրիմինալն ավելի շատ է եղել:
«Երեկ պատահական այս խոսակցությունների մասին լսել եմ, նախկինում լրատվականներն էլ էին այդպիսի բաներ գրում, բայց ոստիկանությունը, որ վիճակագրությունը ներկայացնում էր, Հայաստանում ոչ կրիմինալ քաղաքը Գյումրին էր: Կարող եք բացել վիճակագրությունը և ուշադիր նայել: Ոստիկանությունն այլ բան է ասում, բայց այն մարդիկ, որոնք մեր մահափորձը կազմակերպեցին, դրանից հետո մեզ դիտավորյալ կապեցին կրիմինալ աշխարհի հետ, որպեսզի այդ գործը փակվի գնա»,- Ազգային ժողովում լրագրողների հետ զրույցում ասաց Վարդան Ղուկասյանը:
Նա վստահեցրեց, որ Գյումրին իր օրոք համերաշխ է եղել, և իրենք էլ հարգանք են վայելել:
Անդրադառնալով Քրեական օրենսգրքում նախատեսվող փոփոխություններին, որոնք վերաբերում են քրեական ենթամշակույթին, Վարդան Ղուկասյանը նկատեց. «Օրենքով գողերի նման խելացի մարդիկ աշխարհի տակը չկան, ամենախելոքն օրենքով գողերն են: Ես նրանց հետ չեմ համագործակցում, ընդհանրապես չեմ էլ տեսել վերջին 10-15 տարիներին որևէ մեկին: Չեմ ուզում այս ամենին շատ անդրադառնալ, բայց ով քյասիբին ու անտերին տեր է, մարդ է իսկական, այդպիսի մարդկանց չե՞ք հարգում, բոլորս էլ հարգում ենք: Բայց պետք չէ այս օրենքով վերցնել ու նմանատիպ մարդկանց ուղարկել գաղութ, պատկերացնո՞ւմ եք, թե դրանից հետո ինչ կլինի: Այս ամենի տակ անմեղ մարդկանց կլցնեն բանտերը»:
Մանրամասները՝ տեսանյութում:
Նարեկ Կիրակոսյան
