05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Ինչո՞ւ «Ելք»-ը չի մասնակցում ՏԻՄ ընտրություններին. պարզաբանում է Փաշինյանը
Քաղաքականություն
09.10.2017 | 12:24
«Ելք» դաշինքը չի մասնակցի նոյեմբերի 5-ին կայանալիք ՏԻՄ ընտրություններին: Այսօր խորհրդարանական ճեպազրույցների ժամին Factor.am-ը «Ելք» խմբակցության ղեկավար Նիկոլ Փաշինյանից հետաքրքրվեց՝ որն է պատճառը, որ դաշինքը չի մասնակցում ընտրություններին՝ հաշվի առնելով այն, որ մշտապես խոսել են ՏԻՄ ընտրությունների կարևորության մասին:
«Մենք դաշինքով քննարկել ենք այդ հարցը, լրջորեն վերլուծել ենք խորհրդարանական ընտրություների ժամանակ մարզերում մեր արձանագրած արդյունքները, և դրանց խորը վերլուծությամբ հանգել ենք այն եզրակացության, որ ՏԻՄ ընտրություններին մասնակցելուց առաջ մեզ պետք են որոշակի ուժեղացումներ, կադրային փոփոխություններ մարզերում, թիմերի փոխհամագործակցության որոշակի հարցեր ճշտել»,- պարզաբանեց ընդդիմադիր խմբակցության ղեկավարը:
«Ելք» խմբակցության պատգամավոր Մանե Թանդիլյանն էլ նկատեց, որ իրենք չէին ցանկանում օլիմպիական սկզբունքով մասնակցել. «Մենք պատրաստվում ենք մյուս ընտրություններին»:
Մանրամասները՝ տեսանյութում:
Շողիկ Գալստյան
