03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Նրանք, ովքեր փորձեցին ֆիդայական լեքսիկոն ներմուծել, չեն կարդացել նախագիծն ինչի մասին է. Նաիրա Զոհրաբյան. ՏԵՍԱՆՅՈՒԹ
Քաղաքականություն
12.11.2019 | 11:26
«Բարգավաճ Հայաստան» խմբակցությունն առաջարկում է լրացում կատարել Հարկային օրենսգրքում, որով առաջարկում է հնարավորություն ընձեռել առանձին բարերարների կողմից բացառապես ռազմական նպատակով ռազմական նշանակության տեխնիկայի ներմուծման գործընթացը հեշտացնել:
«Իմ քայլը» խմբակցության պատգամավոր Հովիկ Աղազարյանը, անդրադառնալով նախագծին, նկատեց՝ մտահոգությունը հասկանալի է, ընդունելի է, բայց պետք է մի բան հաշվի առնել, որ եկել են այնպիսի ժամանակներ, որ պետք է ձերբազատվել «նյուֆիդայականությունից»:
Նրա խոսքին արձագանքեց «Բարգավաճ Հայաստան» խմբակցության պատգամավոր Նաիրա Զոհրաբյանը և նշեց, որ այստեղ ինչ-որ ենթատեքստեր փնտրել պետք չէ:
«Նրանք, ովքեր փորձեցին ֆիդայական լեքսիկոն ներմուծել, չեն կարդացել նախագիծն ինչի մասին է»,- ընդգծեց Զոհրաբյանը:
«Իմ քայլը» խմբակցության պատգամավոր Սասուն Միքայելյանն էլ նշեց. «Ես կողմ եմ, բայց պարոն Աղազարյան, էդ ֆիդայինները թուրքի մաման լացացրին 700 տարի հետո և ծնկի բերեցին: Էսօր թուրքերը ոռնում են, թե, իբր, Խոջալուում գենոցիդ է եղել, ինձ էլ մի օր դրա համար կդատեք, ես մասնակցել եմ»:
Մանրամասները՝ տեսանյութում:
