05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
16 տարում Եվրադատարանը Թուրքիային պարտավորեցրել է 51․2 մլն դոլարի փոխհատուցում վճարել
Քաղաքականություն
11.11.2019 | 15:44
Վերջին 16 տարվա ընթացքում Մարդու իրավունքների եվրոպական դատարանը (ՄԻԵԴ) Թուրքիայի վերաբերյալ կայացրած իր վճիռներում վերջինիս պարտավորեցրել է ընդհանուր առմամբ 295․5 մլն թուրքական լիրայի (ավելի քան 51․2 մլն դոլարի) փոխհատուցում վճարել. գրում է ermenihaber-ը:
Այս մասին տեղեկացնում է Թուրքիայի արդարադատության նախարարությունը՝ ի պատասխան ընդդիմադիր պատագամավոր Ալփայ Անթմենի հարցմանը։
Նախարարությունը մանրամասնել է, որ Թուրքիայից ՄԻԵԴ ներկայացված հայցերի ընդհանուր թիվը կազմել է 110․000, որոնցից 3․128-ի դեպքում ՄԻԵԴ-ը Թուրքիային մեղավոր է ճանաչել։ Այդ որոշումներից 2․840-ը կայացվել է վերջին 16 տարվա ընթացքում։
Հավելենք նաև, որ Թուրքիայի դեմ ներկայացված դատական հայցերում այդ երկիրը հիմնականում մեղադրվել է արդար դատավարության իրավունքի, ազատության և անվտանգության իրավունքի, խոսքի ազատության, խաղաղ ցույցեր ու հավաքներ կազմակերպելու, ապրելու իրավունքի և անձնական կյանքի անձեռնամխելիության իրավունքի ոտնահարումների մեջ։
