18.05.2026 | 12:46
Նիկոլ Փաշինյանի ճեպազրույցը․ ՈՒՂԻՂ
Բանակցության մասնակիցների կազմը պետք է համաձայնեցնեն կողմերը․ Լավրովը՝ Արցախը բանակցությունների սեղան վերադարձնելու մասին. ՏԵՍԱՆՅՈՒԹ
Քաղաքականություն
11.11.2019 | 15:14
ԼՂ հակամարտության կողմերը պետք է համաձայնեցնեն և որոշեն բանակցությունների մասնակիցների կազմը: Երևանում հրավիրված ասուլիսում այս մասին ասաց ՌԴ ԱԳ նախարար Սերգեյ Լավրովը՝ պատասխանելով հարցին, թե ինչպես է Մոսկվան վերաբերվում Արցախը որպես լիարժեք կողմ բանակցությունների սեղան վերադարձնելու մասին Երևանի առաջարկին:
«Խորհրդակցությունների և դրանց հետևած բանակցությունների սկզբնական փուլում, երբ դադարեցվեցին մարտական գործողությունները, Լեռնային Ղարաբաղը համապատասխան համաձայնությունների և բանակցությունների մասնակից էր: Ինչ-որ փուլում Հայաստանի ղեկավարությունը՝ նախկին նախագահներից մեկը, որոշեց, որ Ղարաբաղի շահերը պետք է ներկայացնի Երևանը»,- ասաց Լավրովը:
Նա հավելեց, որ որպես համանախագահող երկիր՝ իրենք, ամեն դեպքում, կարող են միայն փորձել հասնել նրան, որպեսզի գործընթացն ընթանա համընդհանուր համաձայնության հունով:
«Բոլորի համար հասկանալի է, որ առանց Լեռնային Ղարաբաղի ժողովրդի, Լեռնային Ղարաբաղի բնակչության համաձայնության՝ որևէ համաձայնություն հնարավոր չի լինի ձևակերպել: Հայաստանը պարզապես այն չի ստորագրի»,- նշեց ՌԴ ԱԳ նախարարը:
Մանրամասները՝ տեսանյութում:
