17.12.2025 | 12:54
Դատարանը ՊՍԺ-ին պարտավորեցրել է 61 միլիոն եվրո վճարել Մբապեին
Արայիկ Հարությունյանը ենթակա է քրեական պատասխանատվության. Արծվիկ Մինասյան. ՏԵՍԱՆՅՈՒԹ
Քաղաքականություն
08.11.2019 | 17:04
ԿԳՄՍ նախարար Արայիկ Հարությունյանը փորձում է դաշնակցական երիտասարդների ազնիվ ընդվզումներին որակումներ տալ, նրանց պայքարը կուսակցականացնել։ Սա նշանակում է, որ մարդը չի հասկանում՝ որտեղ է գտնվում և ինչ գործառույթներ ունի: Այս մասին այսօր հրավիրված ասուլիսի ժամանակ ասաց ՀՅԴ Հայաստանի ԳՄ անդամ Արծվիկ Մինասյանը։
«Նա ընդհանրապես չի գիտակցում իր պարտականությունները, գործում է հակօրինական ընթացքով։ Արայիկ Հարությունյանը, կուսակցականացնելով բողոքի ալիքը, պարզ նպատակ է հետապնդում՝ թուլացնել երիտասարդների պայքարը։ Այս մարդը փորձում է ազգային ինքնությունից կտրել մատաղ սերնդին», – ասաց ՀՅԴ-ական գործիչը։
Արծվիկ Մինասյանը հայտարարեց՝ Արայիկ Հարությունյանը Քրեական օրենսգրքով ենթակա է պատասխանատվության առնվազն երկու հոդվածով՝ սուտ մատնության կամ հանցագործություն պարտակելու։
«Նա քաղաքական շանտաժի միջոցով փորձում է իրավական մեղադրանքների տարափ տեղալ, ինչից պարզ է դառնում, որ մենք գործ ունենք անպատասխանատու մի անձի հետ, ով ազգային արժեքների վարկաբեկման գործընթաց է ձեռնարկել», – նշեց դաշնակցական գորիչը։
Արծվիկ Մինասյանը համոզմունք հայտնեց, որ նախարարի հրաժարականը պահանջող երիտասարդների ցասումն աջակցություն է ստանալու ՀՀ բոլոր բնակավայրերում և հասարակության բոլոր շերտերում:
Մանրամասները՝ տեսանյութում:
Նարեկ Կիրակոսյան
