21.12.2025 | 11:11
«Ինտերը», «Յուվենտուսը» և «Նապոլին» հետևում են Սպերցյանի խաղին․ գործակալ
Եթե սկիզբը դրված էր կոռուպցիայի դեմ պայքար, հիմա սլաքները լրիվ ուրիշ տեղ են տանում․ Վազգեն Մանուկյան. ՏԵՍԱՆՅՈՒԹ
Քաղաքականություն
07.11.2019 | 17:14
Ես հեղափոխություններին կողմ չեմ, բայց ստեղծվել էր նոր իրավիճակ, որը հույս էր տալիս, որ մեր պետությունն ինչ-որ ճանապարհով պետք է գնա։ Նոր փուլ էր սկսվում պետության զարգացման մեջ։ Այս մասին Հանրային խորհրդի նիստի ժամանակ ասաց խորհրդի նախագահ Վազգեն Մանուկյանը։
«Ինչ-որ տեղից հետո ես սկսեցի հիասթափվել, որովհետև տեսա, որ այն, ինչ որ արվում է, մեզ չի տանելու այդ ուղղությամբ։ Ինձ համար ընդունելի չէր քննարկումները վեթթինգի մասին, անցումային արդարադատություն, Մարտի 1-ի դատավարությունը քաղաքականացնելը, դատավորների վրա հարձակումները: Եվ ես հունիս ամսին անհանգստացած որոշեցի հանդիպել Նիկոլ Փաշինյանին, իմ խորհուրդներն ու կասկածներն իրեն հաղորդել: Հունիս ամսին ես 2 անգամ իրեն զանգեցի, ինքը հետ չզանգեց: Դա աննախադեպ էր, որովհետև այդպիսի բան ո՛չ իր հետ էր եղել, ո՛չ Սերժ Սարգսյանի, ո՛չ Քոչարյանի և ո՛չ էլ Լևոն Տեր-Պետրոսյանի հետ: Ես զգացի, որ այդ մարդը չի ուզում խոսել»,- ասաց Մանուկյանը։
Վերջինս նկատեց, որ եթե սկիզբը դրված էր կոռուպցիայի դեմ պայքար, հիմա այդ սլաքները լրիվ ուրիշ տեղ են տանում։
Հիշեցնենք, որ այսօր հրավիրվել է Հանրային խորհրդի նիստ, որի օրակարգում երկու հարց է՝ Հանրային խորհրդի շուրջ ստեղծված իրավիճակն ու հետագա քայլերը, Արցախի հարցում ի՞նչն է ենթակա քննարկման և ի՞նչը՝ ոչ:
Մանրամասները՝ տեսանյութում։
