05.06.2026 | 16:31
«Ուժեղ Հայաստան»-ը կզրկվի՞ գրանցումից․ Սարգսյանի կուսակցությունը ԿԸՀ դիմում է ներկայացնում․ ՈՒՂԻՂ
Աղքատությունը հաղթահարելու այլ տարբերակ, քան աշխատանքն է, ուղղակի գոյություն չունի․ Նիկոլ Փաշինյան. ՏԵՍԱՆՅՈՒԹ
Հասարակություն
07.11.2019 | 14:41
Ընտանեկան և սոցիալական նպաստների համակարգում ընդգրկված 1000 ընտանիք կդառնա նպաստառուների համար կայուն եկամտի ստեղծմանն ուղղված համակարգ շահառու:
Աշխատանքի և սոցիալական հարցերի նախարար Զարուհի Բաթոյանի հավաստմամբ՝ ընտրված ընտանիքները կստանան տավարաբուծությամբ, ոչխարաբուծությամբ, խոզաբուծությամբ, թռչնաբուծությամբ զբաղվելու համար աջակցություն՝ անասնակեր, և որ ամենակարևորն է՝ սոցիալական տարածքային մարմինների և զբաղվածության տարածքային կենտրոններից մշտական խորհրդատվություն։
Արձագանքելով՝ վարչապետ Նիկոլ Փաշինյանն ասաց․ «Արձանագրենք՝ 1000 ընտանիքի փողը տալիս ենք, անասունը տալիս ենք, կերը տալիս ենք, խորհրդատվությունը տալիս ենք և ասում ենք, որ սա ձեզ տալիս ենք, որպեսզի դուք ձեր աշխատանքով հաղթահարեք ձեր աղքատությունը։ Շատ կարևոր ծրագիր է, և սա պետք է լինի աղքատության հաղթահարման մեր քաղաքականությունը և է, որովհետև մենք ասում ենք և շատ հստակ ուղերձ ենք հղում մեր հասարակությանը, որ աղքատությունը հաղթահարելու այլ տարբերակ, քան աշխատանքն է, ուղղակի գոյություն չունի»,- ասաց վարչապետը։
Փաշինյանը նաև նկատեց, որ աղքատության հաղթահարման առաջնային գործիք պետք է համարել կրթությունը։
Մանրամասները՝ տեսանյութում։
