04.08.2026 | 09:47
ՀՀ տարածքում ավտոճանապարհներն անցանելի են
Տաջիկստանում սահմանապահների վրա հարձակվողներն ԻՊ-ի զինյալներ են եղել
Քաղաքականություն
06.11.2019 | 13:48
Տաջիկստանում սահմանապահների վրա հարձակված անձինք «Իսլամական պետություն» ահաբեկչական խմբավորման զինյալներ են եղել, որոնք ներթափանցել են Աֆղանստանի կողմից: ՏԱՍՍ-ի փոխանցմամբ՝ այս մասին հայտնել են Տաջիկստանի Ազգային անվտանգության պետական կոմիտեի մամուլի ծառայությունից:
«Հարձակվողները սահմանն անցել են Աֆղանստանի կողմից՝ հատուկ հանձնարարությամբ: Բոլորն էլ ԻՊ ահաբեկչական խմբավորման անդամներ են»,- ասված է հաղորդագրությունում:
Նշենք, որ Տաջիկստանի և Ուզբեկստանի սահմանին սահմանապահ ուղեկալի վրա հարձակման հետևանքով մեկ զինծառայող և Տաջիկստանի ոստիկանության մեկ աշխատակից է զոհվել, տաջիկ ուժայիններն էլ զինված խմբի 15 անդամի են ոչնչացրել:
«Նոյեմբերի 6-ի գիշերը 20 դիմակավորված անհայտ անձինք հրազենի կիրառմամբ հարփակվել են «Սուլթանաբադ» սահմանապահ ջոկատի զորամասի «Իշկոբոդ» ուղեկալի վրա: Հարձակման ընթացքում նրանք 5 միավոր հրազեն են գրավել: Ուժային կառույցների գործողության արդյունքում զինված հանցավոր խմբի 15 անդամներ չեզոքացվել են, 5-ը՝ ձերբակալվել»,- նշել են Տաջիկստանի սահմանապահ զորքերի մամուլի ծառայությունում:
