03.04.2026 | 23:13
NASA-ն հրապարակել է Երկրի նոր լուսանկարը
ԵՄ-ն վերջին 2 տարում Թուրքիային տրամադրվող ֆին. օգնությունից 1.2 մլրդ եվրոյից ավել գումար է կրճատել
Քաղաքականություն
05.11.2019 | 11:38
ԵՄ-ն 2017թ. ի վեր մարդու իրավունքների խախտումների համար ընդհանուր առմամբ 1.2 մլրդ եվրոյից ավել գումար է կրճատել Թուրքիային հատկացվող ֆինանսական օգնությունից: Որպես փաստարկ ներկայացվել է, որ Թուրքիան առաջընթաց չի գրանցել բարեփոխումների, հիմնարար իրավունքի և ազատությունների հարցում. գրում է ermenihaber-ը:
Թուրքական աղբյուրը, մեջբերելով Եվրահանձնաժողովի բարձրաստիճան պաշտոնյայից ստացված տեղեկությունը, հայտնել է, որ Թուրքիային տրամադրվող ֆինանսական օգնությունը կրճատելու վերաբերյալ մյուս փաստարկն այն է, որ Անկարան ԵՄ չափորոշիչներին համապատասխան ծրագրեր չի մշակել ժողովրդավարական արժեքների զարգացման ուղղությամբ:
Նշվում է, որ Եվրահանձնաժողովի խոսնակներից մեկն ավելի վաղ հայտարարել էր, որ Թուրքիային հատկացվող օգնությունները 40%-ով նվազելու էին և 2018-2020թթ. ընթացքում 759 մլն եվրոյի ֆինանսական օգնություն էր կրճատվելու:
Եվրախորհրդարանը մարտին առաջարկել էր առկախել Անկարայի հետ բանակցությունները և կրճատել ֆինանսական օգնությունը:
