Ապրիլյան պատերազմի ընթացքում հայկական կողմից բազմաթիվ թերություններ են եղել․ Դավիթ Տոնոյան. ՏԵՍԱՆՅՈՒԹ

Պաշտպանության նախարար Դավիթ Տոնյանը պատրաստ է գնալ ապրիլյան պատերազմի հանգամանքներն ուսումնասիրող քննիչ հանձնաժողով և պատասխանել հարցերին, որևէ խնդիր չի տեսնում: Այս մասին Ազգային ժողովում լրագրողների հետ զրույցում ասաց նախարարը՝ անդրադառնալով հարցին, թե պատրա՞ստ է գնալ հանձնաժողով և այնտեղ պատասխանել բոլոր հարցերին:

«Դեռևս ինձ հանձնաժողով չեն կանչել: Ես չէի ցանկանա հիմա գնահատականներ տալ հանձնաժողովի աշխատանքին՝ ասելով սպասելի կամ անսպասելի բացահայտումներ կլինեն կամ չեմ լինի: Բայց Պաշտպանության նախարարության համակարգում պարզ է՝ ինչ է կատարվել, ինչպես է կատարվել: Ընդանրապես շատ կցանկանայի, որ մի նման հանձնաժողով էլ այն կողմում՝ Ադրբեջանում ստեղծվեր»,-նշեց Տոնոյանը:

Նախարարի խոսքով՝ այն ասեկոսեները և բանսարկությունները, որոնք կան և հարցերը, որոնք գոյություն ունեն հասարակության մեջ՝ կապված ապրիլյան պատերազմի հետ՝ կփարատվեն, երբ հանձնաժողովն ամփոփի աշխատանքները:

«Չեմ կարող ասել, թե հանձնաժողովն ինչեր վեր կհանի, բայց այն, ինչ կատարվում է, ակնկալում եմ դրական արդյունք, որը կպատասխանի բոլոր հարցերին: Ինձ համար պարզ է, որ հակառակորդի կողմից ապրիլին եղել է դավադիր գործողություն: Իսկ հայկական կողմից եղել են թերացումներ, որոնք վերլուծվել են, և մենք դրա վերաբերյալ քաջատեղյակ ենք»,- ասաց նախարարը և չմանրամասնեց, թե հայկական կողմն ինչ թերացումներ է ունեցել:

Մանրամասները՝ տեսանյութում:

Նարեկ Կիրակոսյան