07.09.2026 | 17:54
Արարատ Միրզոյանն ու Լատվիայի ԱԳ նախարարը արձանագրություն են ստորագրել
ԻՊ-ն հայտարարել է նոր առաջնորդի անունը
Քաղաքականություն
03.11.2019 | 13:31
Սոցիալական ցանցերում «Իսլամական պետության» մի շարք աջակիցներ սկսել են իրենց հավատարմությունը հայտնել մի անձի, ում անունը մինչև վերջերս հայտնի չէր հանրությանը. փոխանցում է VOA-ն:
ԻՊ-ն հայտարարել է իր նոր առաջնորդի՝ Աբու Իբրահիմ ալ Հաշիմի ալ Քուրաշիի անունը: Դա հայտնի է դարձել Ամաք լրատվական գործակալության տարածած ձայնային հաղորդագրության միջոցով, որը կարդում էր ԻՊ-ի նոր խոսնակ Աբու Համզա ալ Քուրաշը:
Այս հայտարարությունը հաստատում է ԻՊ-ի առաջնորդ Աբու Բաքր ալ Բաղդադիի և նրա խոսնակ Աբու Հասան ալ Մուհաջիրիի մահը ԱՄՆ զորքերի հատուկ գործողությունների արդյունքում անցած շաբաթ օրը:
Ինչպես տեղեկացնում են պաշտոնական աղբյուրները, ալ Բաղդադին թաքնվում էր փոսի մեջ երկու փոքր երեխաների հետ և ինքնասպանություն է գործել նռնակի միջոցով, երբ ամերիկյան զորքերը Սիրիայի Իդլիբի շրջանում մոտեցել են այն շրջանին, ուր թաքնվում էր ալ Բաղդադին: Այն գտնվում է Թուրքիայի հետ սահմանային գոտում:
Հինգշաբթի օրվա հայտարարության մեջ ահաբեկչական կառույցի նոր խոսնակը կոչ է արել ԱՄՆ-ին շատ չուրախանալ այս առիթով: Որոշ վերլուծաբաններ գտնում են, որ ալ Բաղդադիի մահը դեռևս վերջնակետ չէ ԻՊ-ի դեմ պայքարում:
