08.06.2026 | 15:27
Արդար ընտրություն է, առանց որևէ երկմտության․ IRI դիտորդական առաքելության ղեկավար․ ՏԵՍԱՆՅՈՒԹ
«Քիչ է մնում՝ Ալ Կապոնեին հովանավորելու համար էլ ինձ մեղադրի պարոն Սանասարյանը». Արսեն Թորոսյան. ՏԵՍԱՆՅՈՒԹ
Քաղաքականություն
01.11.2019 | 13:44
ՀՀ առողջապահության նախարար Արսեն Թորոսյանը դեռևս չի կարող ասել, թե ինչպես է երեխան, որի տվյալները հրապարակման ենթակա չեն, վարակվել ՄԻԱՎ-ով։ Դեպքը հայտնաբերվել է օրերս։
«Երեխայի մոտ հայտնաբերվել է ՄԻԱՎ վարակ, նա բուժում է ստանում, փորձում ենք վերականգնել նրա առողջությունը, որպեսզի կյանքին վտանգ չստանա, մնացած մանրամասները քննությունը կպարզի»,- ասաց Արսեն Թորոսյանը։ Նա չգիտի, թե որ հիվանդանոցում է արձանագրվել վարակի դեպքը, նույնիսկ վստահ չէ, որ հիվանդանոցը կապ ունի վարակի փոխանցման հետ։
«Իմանայինք, ամեն ինչ պարզ կլիներ, և քննության կարիք չէր լինի: Երեխան բազմաթիվ բժշկական կենտրոններում բժշկական օգնություն է ստացել, և պետք է պարզել, թե որ բժշկական կենտրոնում է վարակը եղել»,- ասաց նախարարը:
Նա չի բացառում, որ կենցաղային պայմաններում է եղել վարակը, բայց՝ ո՛չ ծնողներից, քանի որ ծնողների արյան մեջ ՄԻԱՎ վարակ չի հայտնաբերվել։ Այսօր նախարարն անդրադարձավ նաև ՊՎԾ դադարեցված լիազորություններով պետ Դավիթ Սանասարյանի՝ օրերս հնչեցրած մեղադրանքին, որ նախարարը ներկայացնում է Դոն Պիպոյի և Սամվել Ալեքսանյանի շահերը դիալիզի շուկայում։
«Ես լսել եմ պարոն Սանասարյանին, և քիչ է մնում՝ Ալ Կապոնեին հովանավորելու համար էլ ինձ մեղադրի պարոն Սանասարյանը»,- հակադարձեց նախարարը։
Մանրամասները՝ տեսանյութում:
