05.06.2026 | 20:56
Բանավեճի պնդումները՝ սխալներից մինչև մանիպուլյացիաներ․ Factor TV-ի ստուգումը՝ իրական ժամանակում. ՏԵՍԱՆՅՈՒԹ
Արայիկ Հարությունյանը՝ ՀԵՊ և ՆԶՊ առարկաները դպրոցներից հանելու մասին. ՏԵՍԱՆՅՈՒԹ
Հասարակություն
31.10.2019 | 16:13
ԿԳՄՍ նախարար Արայիկ Հարությունյանն այսօր լրագրողների հետ զրույցում արձագանքեց տեղեկություններին, որ «Հայոց եկեղեցու պատմություն» առարկան դպրոցական ծրագրից դուրս է գալու:
«Այն ինֆորմացիան, որը երեկ հայտնվել է մամուլում, եղել է իմ տեղակալի հարցազրույցի արդյունքում, որտեղ ինքն ասել է, որ մշակվում են չափորոշիչներ, առարկայացանկեր, յուրաքանչյուր առարկայի առանձին գոյության արդյունավետությունն է քննարկվում, նպատակներն են քննարկվում և թե մենք ինչ ենք ուզում վերջնարդյունքում ստանալ: Հանձնաժողովն աշխատում է, երբ առաջարկներ կանեն, մենք կքննարկենք, որոշումները կկայացնենք: Այդ հանձնաժողովն ինձ հետ առայժմ որևէ բան չի քննարկել»,- ասաց Հարությունյանը:
Հարցին՝ արդյո՞ք դա քննարկվել է Ամենայն Հայոց կաթողիկոսի հետ, նախարարը նշեց, որ իրենք պարբերաբար հանդիպումներ ունենում են և՛ կաթողիկոսի, և՛ եկեղեցու ներկայացուցիչների հետ:
«Խնդրո՛ւմ եմ՝ սենսացիաներ սրանից չանել: Մենք ասել ենք, որ վերջնական ուսումնական պլանները փոխելու ենք 2023 թվականից»,- հավելեց ԿԳՄՍ նախարարը:
Մանրամասները՝ տեսանյութում:
