01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Երկու հասուն մարդիկ զրուցել են. Շարմազանովը՝ Փաշինյանի և Գեղամյանի միջև տեղի ունեցած միջադեպի մասին
05.10.2017 | 17:33
«Ցանկացած ոչ կոռեկտ պահվածք խորհրդարանում՝ դահլիճից ներս կամ դուրս, անընդունելի եմ համարում: Անկախ նրանից ընդդիմադիր են, թե իշխանական, չեմ ընդունում բռունցքներով հարցեր լուծելը, անձնական վիրավորանք հնչեցնելը»,- այս մասին խորհրդարանում լրագրողների հետ զրույցում ասաց Էդուարդ Շարմազանովը՝ անդրադառնալով այսօր խորհրդարանում Նիկոլ Փաշինյանի և Արտաշես Գեղամյանի միջև տեղի ունեցած միջադեպին:
Factor.am-ի հարցին՝ Նիկոլ Փաշինյանի և Արտաշես Գեղամյանի միջև տեղի ունեցած միջադեպն այդ դեպքն է, Շարմազանովը խորհուրդ տվեց. «Դատեք ինքներդ, եթե դուք գտնում եք, որ նման դեպքը էթիկայի կանոնների մեջ տեղավորվում է, ուրեմն էդ դեպքը չէր»:
Լրագրողների դիտարկմանը՝ Նիկոլ Փաշինյանի և Արտաշես Գեղամյանի միջև տեղի ունեցած միջադեպին ականատեսներ են եղել, թե ինչպես է Գեղամյանը հարվածում Փաշինյանին, Շարմազանովը պատասխանեց. «Ես չգիտեմ՝ կռվե՞լ են, թե՞ ոչ: Երկու հասուն մարդիկ զրուցել են: Ես դատավոր չեմ և չեմ պատրաստվում հրապարակել այն, ինչը խոսել եմ պարոն Փաշինյանի և պարոն Գեղամյանի հետ»:
Մանրամասները՝ տեսանյութում:
Շողիկ Գալստյան
