Ցավով եմ ասում, կարդացել եմ, որ իմ հագուստի վրա կոշիկներ են փայլեցրել. Արտաշես Գեղամյան

Միջադեպ է եղել, չորս տարի դեռ այդ մարդու հետ աշխատելու ենք, ինչի՞ եք բորբոքում. այս մասին այսօր Ազգային ժողովում լրագրողների հետ զրույցում ասաց ԱԺ ՀՀԿ խմբակցության պատգամավոր Արտաշես Գեղամյանը՝ անդրադառնալով այսօր խորհրդարանի միջանցքներից մեկում տեղի ունեցածին:

Հիշեցնենք՝ առավոտյան խորհրդարանի միջանցքներից մեկում միջադեպ է գրանցվել ԱԺ «Ելք» խմբակցության ղեկավար Նիկոլ Փաշինյանի և ՀՀԿ խմբակցության պատգամավոր Արտաշես Գեղամյանի միջև: Փաշինյանի պնդմամբ՝ ՀՀԿ-ական պատգամավոր Արտաշես Գեղամյանը խորհրդարանի միջանցքներից մեկում բռունցքներով հարձակվել է իր վրա։ Գեղամյանը, սակայն, հերքում է Փաշինյանի պնդումները:

ՀՀԿ խմբակցության ղեկավար Վահրամ Բաղդասարյանն ու Էդուարդ Շարմազանովը Նիկոլ Փաշինյանի հետ հանդիպելուց հետո ՀՀԿ խմբակցության աշխատասենյակում մոտ մեկ ժամ զրուցում էին Արտաշես Գեղամյանի հետ: Գեղամյանը, սակայն, պնդում է՝ քննարկում էին առաջիկայում Երևանում անցկացվող ՌԴ դաշնային ժողովի և մեր Ազգային ժողովի համատեղ հանձնաժողովի հոբելյանական համատեղ նիստի հետ առնչվող հարցեր:

«Կրկնում եմ՝ եթե բռունցքով հարվածած լինեի, ապա այդ անձը հիվանդանոցում կհայտնվեր: Ցավով եմ ասում, կարդացել եմ, որ իմ հագուստի վրա կոշկներ են փայլեցրել։ Ցավում եմ դրա համար։ Նման բան չի եղել»,- պնդեց Գեղամյանը:

Ի դեպ, Գեղամյանն ասաց՝ կոշիկները փայլեցնելու պահը, որպես հումոր, շատ է հավանել:

Մանրամասները՝ տեսանյութում:

Շողիկ Գալստյան