21.05.2026 | 15:28
«Ուժեղ Հայաստան» կուսակցության քարոզարշավը Արագածոտնում. ՈՒՂԻՂ
Վարչապետի աշխատակազմի գույքը բարոյական մաշվածություն ունի. 37 մլն կհատկացվի նոր գնումների համար
Քաղաքականություն
30.10.2019 | 21:45
Կառավարության պահուստային ֆոնդից առողջապահական և աշխատանքի տեսչական մարմնի կարողությունների զարգացման և տեխնիկական հագեցվածության ապահովման նպատակով վարչապետի աշխատակազմին կհատկացվի 37 մլն 964 հազար դրամ: Կառավարության որոշման նախագիծը չզեկուցվող է:
Հիմնավորման մեջ նշվում է, որ վարչապետի աշխատակազմի տեսչական մարմնում առկա չեն բնականոն աշխատանքի ապահովման համար բավարար քանակով վարչական սարքավորումներ՝ համակարգչային տեխնիկա, գրասենյակային գույք, համապատասխան հեռախոսներ:
Նշվում է նաև, որ հաշվեկշռում հաշվառված գույքն ու սարքավորումները ունեն ֆիզիկական և բարոյական մաշվածություն: Համակարգչային տեխնիկայի և գրասենյակային գույքի բացակայությունը խոչընդոտում է տեսչական մարմնի կանոնադրական գործառույթների պատշաճ իրականացմանը: 2019 թվականին վերոնշյալ ապրանքների ձեռքբերումն ու շահագործումը խիստ հրատապ է:
Նարեկ Կիրակոսյան
