23.02.2026 | 13:14
Բուժաշխատողները բողոքում են․ ակցիա՝ ապահովագրական համակարգի բացերի շուրջ ԱԺ լսումներ անցկացնելու պահանջով
Սարհատ Պետրոսյանին վաղը կազատեն աշխատանքից
Քաղաքականություն
30.10.2019 | 20:17
Սարհատ Պետրոսյանը վաղը կազատվի Կադաստրի կոմիտեի ղեկավարի պաշտոնից: Կառավարությունը վաղը համապատասխան որոշում կընդունի, որոշման նախագիծն ընդգրկված է գործադիրի նիստի օրակարգում: Ի դեպ՝ նշենք, որ նախագիծը չզեկուցվող է:
Կադաստրի կոմիտեի ղեկավար Սարհատ Պետրոսյանը, հիշեցնենք, հոկտեմբերի 18-ին հրաժարականի դիմում էր ներկայացրել վարչապետ Նիկոլ Փաշինյանին: Որպես աշխատանքից ազատվելու պատճառ՝ նա ֆեյսբուքում նշել էր, որ չի կիսում Կառավարության քաղաքականությունը քաղաքաշինության բնագավառում:
Պետրոսյանի խոսքով՝ կառավարման որոշակի մակարդակներում կոնկրետ ոլորտների զարգացման համընդհանուր տեսլական պետք է լինի, որը տվյալ դեպքում չկա: Չնայած անշարժ գույքի շուկայում աննախադեպ ակտիվություն է, ըստ Սարհատ Պետրոսյանի, քաղաքաշինության ոլորտում հետընթաց կա՝ հանձինս քաղաքաշինության կոմիտեի ներկա և նախկին ղեկավարների քաղաքականություն հիշեցնող իներցիոն իմիտացիաների: Սարհատ Պետրոսյանը նշել է, որ այլևս չի կարող հանդուրժել դիլետանտիզմն ու կոռումպացվածության հասնող թայֆայականությունը:
Պետրոսյանից իր հրաժարականի վերաբերյալ լրացուցիչ մեկնաբանություններ ստանալ մեզ առայժմ չի հաջողվել:
Նարեկ Կիրակոսյան
