03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Իրավապահ մարմինների համակարգում աշխատավարձի բարձրացում ակնկալվո՞ւմ է, թե՝ ոչ․Վարդևանյանը՝ նախարարին․ ՏԵՍԱՆՅՈՒԹ
Քաղաքականություն
30.10.2019 | 11:24
2020 թվականի բյուջեի նախագծի քննարկման ժամանակ «Իմ քայլը» խմբակցության պատգամավոր Վլադիմիր Վարդևանյանը ֆինանսների նախարար Ատոմ Ջանջուղազյանից հետաքրքրվեց՝ արդյո՞ք իրավապահ մարմինների համակարգում աշխատավարձի բարձրացում ակնկալվում է, թե՝ ոչ։
Ֆինանսների նախարարն ի պատասխան նշեց․ «Դատաիրավական համակարգի ռազմավարություն է քննարկվում, դրա մեջ նաև դիտարկվում են բոլոր գործոնները, որոնք, ի վերջո, հանգեցնելու են արդյունավետության բարձրացման և անհրաժեշտ որակի ծառայությունների գեներացման իրավապահ մարմինների կողմից։ Այդ համատեքստում ենթադրում եմ, որ կքննարկվի նաև աշխատավարձի վարձատրության մասը։ Բայց կոնկրետ նախագիծը, որ ներկայացված է, հիմնված է եղած կարգավորումների վրա»։
Վարդևանյանը նկատեց, որ, փաստորեն, այս ոլորտում աշխատավարձերի աճ 2020 թվականի բյուջեով նախատեսված չէ։
Ատոմ Ջանջուղազյանն էլ ասաց, որ այնքանով, որքանով բնականոն աճը նախատեսում է եղած կարգավորումների շրջանակում։
Մանրամասները՝ տեսանյութում։
