08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Դատարանը գրությամբ կդիմի «Նաիրի» բժշկական կենտրոն՝ Մանվել Գրիգորյանին դատարան բերելու համար
29.10.2019 | 12:35
ԱԺ նախկին պատգամավոր Մանվել Գրիգորյանին դատարան ներկայացնելու պահանջով դատարանը գրություն կուղարկի այն քաղաքացիական հիվանդանոց, որտեղ Մանվել Գրիգորյանը բուժում է ստանում:
Այսօր դատարանում հրապարակվեց միջգերատեսչական բժշկական հանձնաժողովի եզրակացությունը, համաձայն որի՝ Մանվել Գրիգորյանի առողջական վիճակը բավարար է, որպեսզի նա մասնակցի դատական նիստերին, և բացի այդ, նշված էր այն մասին, որ Գրիգորյանի մոտ հայտնաբերված հիվանդությունները ներառված չեն կալանքի հետ անհամատեղելի հիվանդությունների ցանկում:
Այս եզրակացության հիման վրա դատավոր Մնացական Մարտիրոսյանը որոշեց դիմել հիվանդանոց, որպեսզի հաջորդ դատական նիստին ներկա լինի նաև Գրիգորյանը, որի բացակայության պատճառով տևական ժամանակ է, ինչ դատական նիստերը հետաձգվում են:
Լիլիթ Շաբոյան
