13.01.2026 | 22:51
Միրզոյան–Ռուբիո հանդիպում․ քննարկվել է ՀՀ–ԱՄՆ ռազմավարական գործընկերության զարգացումը
Ես Ձեր առաջ պահանջ եմ դնում. «Իմ քայլի» պատգամավորը՝ փոխնախարարին. ՏԵՍԱՆՅՈՒԹ
Քաղաքականություն
28.10.2019 | 15:02
Ազգային ժողովում 2020 թվականի բյուջեի նախագծի քննարկման ժամանակ «Իմ քայլը» խմբակցության պատգամավոր Քրիստինե Պողոսյանը պահանջ ներկայացրեց ԱԻ նախարարի տեղակալ Արա Նազարյանին։
Պատգամավորը նկատեց, որ հրշեջները, փրկարարները որոշ դեպքերում էլեմենտար կահավորանքի ու հագուստի պաշտպանվածություն չունեն։
«Հրշեջները, փրկարարները մարդիկ են, ովքեր իրենց գործունեությունը կատարելու ընթացքում վտանգի տակ են դնում իրենց կյանքը։ Ես՝ որպես Պաշտպանության հանձնաժողովի անդամ, պահանջ եմ ներկայացնում Ձեզ փոխել ռազմավարությունը, որովհետև հրշեջներն ու փրկարարները պետք է ամեն անգամ աշխատանքի գնալուց իմանան, որ առաջին հերթին իրենք ունեն իրենց կյանքի պաշտպանվածությունը, որպեսզի հետո կարողանան պաշտպանել ու փրկել մարդկանց»,- նկատեց Պողոսյանը։
Արձագանքելով պատգամավորի դիտարկմանը՝ փոխնախարարը հավաստիացրեց, որ ներկայացված պահանջը կատարման ընթացքի մեջ է։
«Քիչ առաջ նշեցի, որ աննախադեպ էր, երբ որ առաջին կիսամյակի արդյունքներով լրացուցիչ միջոցներ տրամադրվեց, և 260 մլն-ի մենք ձեռք ենք բերել և՛ համապատասխան գործիքներ, և՛ համապատասխան սաղավարտներ, մարտական համազգեստ, և՛ համապատասխան այլ անհրաժեշտ նյութեր»,- ասաց փոխնախարարը։
Հիշեցնենք, որ այսօր ԱԺ-ում քննարկվում է 2020 թվականի բյուջեի նախագիծը։
Մանրամասները՝ տեսանյութում։
