06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Համահայկական հիմնադրամի կողմից 6 ազատամարտիկների տրամադրվել են հատուկ հարմարեցված ավտոմեքենաներ
Հասարակություն
25.10.2019 | 18:46
«Հայաստան» համահայկական հիմնադրամի կողմից ընթացիկ տարվա սեպտեմբերի դրությամբ Արցախի և Հայաստանի Հանրապետությունների հաշմանդամություն ունեցող վեց ազատամարտիկների տրամադրվել են հատուկ հարմարեցված ավտոմեքենաներ:
Այս մասին «Արցախպրես»-ի թղթակցի հետ զրույցում ասելէ «Հայաստան» համահայկական հիմնադրամի մամուլի խոսնակ Արմինե Թոխմախյանը:
Նրա խոսքով՝ ծրագրի շրջանակներում ազատամարտիկներին նվիրաբերվել է նաև հատուկ խնամքի պարագաներ։ «Հիմնադրամը մշտապես ուշադրության կենտրոնում է պահում ազատամարտիկներին․ ԱՄՆ արևմտյան շրջանի նախաձեռնությամբ հատուկ հարմարեցված ավտոմեքնաներ, էլեկտրական հատուկ մահճակալներ, անվասայլակներ, ներքնակներ, բարձեր, աթոռներ, թթվածնի բալոններ, մղիչ սարքեր և այլ անհրաժեշտ պարագաներ են նվիրաբերվում հաշմանդամ ազատամարտիկներին: Մեքենաներն ԱՄՆ-ում հարմարեցվել են պարանոցի, մեջքի խնդիր ունեցող և անդամալույծ շահառուների համար: Ծրագրի համակարգումը վստահված է հաշմանդամ ազատամարտիկ Հրանտ Թումասյանին, ով քաջատեղյակ է իր մարտական ընկերների խնդիրներին և անում է ամեն ինչ նրանց ուշադրության կենտրոնում պահելու և հոգսերը թեթևացնելու համար»,- նշել է Ա. Թոխմախյանը:
