04.07.2026 | 21:07
5 քաղաքական ուժեր հայտարարել են միասնական քաղաքական օրակարգ ձևավորելու մասին
Երբ ես դիտորդ էի, ՔԿ պետ ունեինք, որի համար նախարարը ոչ մեկն էր. Էդմոն Մարուքյան. ՏԵՍԱՆՅՈՒԹ
Քաղաքականություն
25.10.2019 | 12:24
Գիտեք՝ ՔԿ վարչությունը շատ անկախ գերատեսչություն է նախարարության մեջ, և նախարարը չի նշանակում ՔԿ վարչության պետին, ինչը մենք իրավապաշտպան ժամանակ բազմիցս քննադատել ենք և ասել ենք, որ նախարարը պետք է նշանակի։ Այս մասին այսօր ԱԺ ճեպազրույցների ժամանակ ասաց «Լուսավոր Հայաստան» խմբակցության ղեկավար Էդմոն Մարուքյանը։
«Նախագահն էր ՔԿՀ վարչության պետին և ԴԱՀԿ ծառայության պետին նշանակում։ Երբ ես դիտորդ էի, մենք ՔԿ պետ ունեինք, որի համար նախարարը ոչ մեկն էր։ Ստեղ կա ինստիտուցիոնալ խնդիր, որ պետք է հետ գանք և դա էլ վերանայենք։ Այսինքն, եթե նախարարության գերատեսչության կազմի մեջ է, ուրեմն՝ նախարարը պետք է նշանակի։ Սուպերվարչապետականի մեջ ինչ-որ խուճուճ բաներ են արել, որ նախարարը միանշանակ իշխանություն չունենա համապատասխան մարմնի նկատմամբ»,- նշեց Էդմոն Մարուքյանը։
Անդրադառնալով ԱԺ նախկին փոխնախագահ Արփինե Հովհաննիսյանի՝ «Հաց բերողի» մասին գրառման հարցին, նկատեց, որ հիմա Արփինե Հովհաննիսյանը ներսից բան է բացահայտում, որը կապված է մարդու իրավունքների խախտումների հետ։ Պատգամավորը հավաստիացրեց, որ պատասխանները պետք է տան, և իրենք հետևողական են լինելու։
«Կարծում եմ՝ ես ու Նիկոլ Փաշինյանը բավականին երկար զբաղվել ենք «Հաց բերողի» գործով․ անդադար այցելություններ, գնացել ենք գլխավոր դատախազի մոտ, խնդրել ենք մեր երաշխավորությամբ ազատ արձակել, բայց մեզ մերժել են։ 25 օր հետո զանգում են, որ բավարարում են մեր միջնորդությունը և ազատ են արձակում «Հաց բերողին»»։ Մեր վեճն այն է, որ եթե ավելի շուտ ազատ արձակեին, երբ որ դիմել էինք, այդ մահը, միգուցե, շատ հավանական է, որ չէր լինի»,- նշեց Մարուքյանը։
Մանրամասները՝ տեսանյութում։
