01.09.2026 | 20:00
Բեռլինը Մոսկվային մեղադրել է Լայպցիգի օդանավակայանի վրա ԱԹՍ-ների հարձակման համար
«Ավրորա» մրցանակի դափնեկիր Չո Լա Աունին այցելել է Շուշիի տեխնոլոգիական համալսարան
24.10.2019 | 11:58
«Ավրորա» մարդասիրական մրցանակի 2018 թվականի դափնեկիր, Ռոհինջա ժողովրդի առաջնորդ, իրավապաշտպան Չո Լա Աունին այցելել է Շուշիի տեխնոլոգիական համալսարան, հանդիպել ուսանողների հետ:
«Արցախպրես»-ի թղթակցի հետ զրույցում Շուշիի տեխնոլոգիական համալսարանի արտաքին կապերի և միջազգային համագործակցության բաժնի պետ Արևիկ Հարությունյանն ասել է, որ հանդիպման ընթացքում ցուցադրվել է Չո Լա Աունի գործունեության մասին ֆիլմ:
««Ավրորա» մարդասիրական մրցանակի 2018 թվականի դափնեկիրն անդրադարձել է մարդու իրավունքներին, ազատության համար արվող պայքարին և համընդհանուր արժեքներին: Նա խոսել է նաև մարդկության առջև ծառացած սպառնալիքների և մարտահրավերների մասին: Ջերմ և անմիջական մթնոլորտում ուսանողները Ռոհինջա ժողովրդի առաջնորդին են ուղղել տարաբնույթ հարցեր»,- նշել է Ա. Հարությունյանը:
Նրա խոսքով՝ Չո Լա Աունը համալսարան է այցելել ՇՏՀ արտաքին կապերի և միջազգային համագործակցության բաժնի հրավերով: Հանդիպման ընթացքում նա ծանոթացել է համալսարանի գործունեությանը, եղել լաբորատորիայում:
