13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Ավարտվել են ՀՀ առաջին գյուղական մարզական խաղերը
04.10.2017 | 17:42
Հոկտեմբերի 1-3-ը Վանաձորում անցկացվեց Հայաստանի Հանրապետության սպորտի և երիտասարդության հարցերի նախարարության կազմակերպած առաջին գյուղական մարզական խաղերի եզրափակիչ փուլը: Մարզային փուլում հաղթած և եզրափակիչ դուրս եկած 100 մասնակիցները մրցեցին հնգամարտ մրցաձևում:
Աղջիկների պայքարում 60 մ վազք և հեռացատկ տեղից մրցաձևերում հաղթող դարձավ Վիկտորյա Հայրապետյանը (Սյունիքի մարզ), 500 մ վազք մրցաձևում 1-ին տեղը զբաղեցրեց Մանե Հարությունյանը (Լոռու մարզ), ձեռքերի ծալում և ուղղում մարզանստարանին, հենում պառկած դրությունից վարժություններում առաջատար դարձավ Տաթևիկ Հովսեփյանը (Լոռու մարզ), իսկ թենիսի գնդակի նետում վարժությունում և ընդհանուր հնգամարտում (անհատական) հաղթող ճանաչվեց Սաթենիկ Արամյանը:
Տղաներից 60 մ վազք և հեռացատկ տեղից մրցաձևերում լավագույնը ճանաչվեց Նարեկ Ղուկասյանը (Լոռու մարզ), 1000 մ վազք մրցաձևում հաղթող դարձավ Երվանդ Մկրտչյանը (Շիրակի մարզ), թենիսի գնդակի նետում վարժությունում՝ Անանիա Պետրոսյանը (Կոտայքի մարզ), իսկ ձգումներ պտտաձողից մրցաձևում և ընդհանուր հնգամարտում (անհատական) հաղթեց Ժորա Ներսիսյանը (Արարատի մարզ):
Հայաստանի Հանրապետության առաջին գյուղական մարզական խաղերում թիմային հաշվարկով հաղթող ճանաչվեց ՀՀ Արարատի մարզը, ՀՀ Լոռու մարզը 2-րդն էր, իսկ 3-րդ տեղը զբաղեցրեց ՀՀ Շիրակի մարզը:
