18.10.2026 | 16:10
Որակյալ կերերից մինչև մաքրացեղ խոզեր․ «Օջախ Ագրո»-ի առաջարկները․ ՏԵՍԱՆՅՈւԹ
Գերմանիայի պաշտպանության նախարարն առաջարկել է Սիրիայի հյուսիսում միջազգային անվտանգության գոտի ստեղծել
Քաղաքականություն
23.10.2019 | 19:11
Թուրքական մամուլն անդրադարձել է Գերմանիայի պաշտպանության նախարար, «Քրիստոնեա-դեմոկրատական միության» (ՔԴՄ) նախագահ Աննեգրետ Քրամփ-Քարենբաուերի՝ Սիրիայի հյուսիսում միջազգային անվտանգության գոտի ստեղծելու մասին առաջարկին. գրում է ermenihaber-ը:
Ըստ թուրքական լրատվականների՝ Գերմանիան «աչք է դրել» Թուրքիայի կողմից «ահաբեկիչներից մաքրված» տարածքների վրա։
Գերմանիայի արտգործնախարար Հեյկո Մաասը հայտարարել է, որ տեղյակ չէ պաշտպանության նախարարի այդ առաջարկից և անհրաժեշտ է դեռ ճշտել մանրամասները։
ՔԴՄ անդամ Նորբերտ Ռոտգենը հայտարարել էր, որ ստեղծվելիք անվտանգության գոտին պետք է վերահսկվի ոչ թե Թուրքիայի, այլ միջազգային ուժերի կողմից: Այս առումով Գերմանիայի, Ֆրանսիայի և Անգլիայի վրա պատասխանատվություն է դրված։
Չնայած այդ առաջարկը դեռ պաշտոնապես հաստատված չէ, բայց Թուրքիան արդեն քննադատաբար է մոտենում նման հնարավոր զարգացմանը՝ Գերմանիային մեղադրելով դավաճանական կեցվածք որդեգրելու և այժմ էլ «պատրաստի» տարածքներում ամրապնդվելու ցանկություն ունենալու մեջ։
