19.07.2026 | 13:39
«Սնանկացման եզրին ենք․ սկսել ենք ԵՄ չափանիշների ներդնումը, բայց ելքը ՌԴ շուկան բացելն է»․ ձկնաբույծ․ ՏԵՍԱՆՅՈւԹ
«Մտահոգվելու խնդիր չկա». նախարարը՝ հայոց լեզու և հայոց պատմություն առարկաների պարտադիր չլինելու մասին. ՏԵՍԱՆՅՈՒԹ
Հասարակություն
23.10.2019 | 17:16
Կարիք չկա հայոց լեզուն, հայոց գրականությունը և հայոց պատմությունը մեր թիմից պաշտպանելու։ Այս մասին ԱԺ-ում կառավարության հետ հարցուպատասխանի ժամանակ ասաց ԿԳՄՍ նախարար Արայիկ Հարությունյանը՝ անդրադառնալով ԱԺ փոխնախագահ Վահե Էնֆիաջյանի՝ hայոց լեզու, գրականություն և հայոց պատմություն առարկաների պարտադիր չլինելու մասին հարցին։
«2010 թվականին եղել եմ «Մենք դեմ ենք օտարալեզու դպրոցների վերաբացմանը Հայաստանում» նախաձեռնության անդամ։ Եվ վերաբերմունքս հայերենի դասավանդման հետ կապված, դասավանդման ծավալների հետ կապված ասել եմ այնտեղ։ Այն ժամանակ էլ ասում էինք, որ իրավիճակը բուհերում կարող է փոխվել՝ խորացնելով դպրոցներում հայոց լեզվի, գրականության, հայոց պատմության դասավանդումը»,- նշեց Արայիկ Հարությունյանը։
Արձագանքելով նախարարին՝ Էնֆիաջյանը մեջբերեց Հովհաննես Թումանյանի խոսքերից և նկատեց, որ հետբուհական կրթության մասով կարելի է շատ հարցեր վերանայել, մոտեցումների ու սկզբունքների հետ կապված քննարկել, բայց բակալավրիատի մասով իր ներքին համոզմունքն է, որ հայոց լեզուն և հայոց պատմությունը պետք է պարտադիր առարկա լինեն։
Արայիկ Հարությունյանն էլ ընդգծեց, որ հայերենի հետ կապված մի շարք ծրագրեր են իրականացնում, և այն քաղաքականությունը թույլ է տալու, որ մեր քաղաքացին լիարժեք տիրապետի մայրենիին։
Մանրամասները՝ տեսանյութում։
