04.08.2026 | 19:57
ԱՄՆ-ը սպառել է իր հեռահար հրթիռների պաշարներն Իրանի հետ պատերազմում․ Reuters
Ես աջակցել եմ Նիկոլ Փաշինյանին իշխանության գալու մեջ, այդտեղ ես թույլ եմ տվել խախտում․ Արա Բաբլոյան. ՏԵՍԱՆՅՈՒԹ
Քաղաքականություն
23.10.2019 | 15:56
Ես կարող եմ մի հարցի շուրջ պատասխան տալ, եթե այդ հարցը կպարզաբանեն ու կբարձրացնեն, որ ես աջակցել եմ Նիկոլ Փաշինյանին իշխանության գալու մեջ։ Այս մասին լրագրողների հետ զրույցում ասաց Ազգային ժողովի նախկին նախագահ Արա Բաբլոյանը։
«Ես ինքս գիտեմ, որ գործել եմ Սահմանադրության և օրենքների սահմաններում։ Ես չեմ խախտել Սահմանադրություն, ես չեմ խախտել օրենք, ես չեմ կարող պատասխան տալ, թե ինչո՞ւ Գագիկ Հարությունյանը շուտ է դիմում գրել, այդ ամեն ինչի համար ես պատասխանատու չեմ։ Ես կարող եմ մի հարցի շուրջ պատասխան տալ, եթե այդ հարցը կպարզաբանեն ու կբարձրացնեն, որ ես աջակցել եմ Նիկոլ Փաշինյանին իշխանության գալու մեջ»,- նշեց Բաբլոյանը։
Հարցին, թե Դուք դա համարո՞ւմ եք հանցագործություն, բացասական պատասխան տվեց։ «Ոչ, ես այդտեղ թույլ եմ տվել խախտում։ Ես պաշտոնապես դա հայտարարում եմ, իրավապահները լսեցին, թող իրենք ուսումնասիրեն ու գտնեն՝ որտե՞ղ եմ խախտել և ինչո՞վ եմ աջակցել»,- նշեց Բաբլոյանը։
Վերջինս նկատեց, որ իրավապահներն ընդհատել են վիրահատությունը, հարցին՝ արդյո՞ք դրանից նրա մասնագիտական գործունեությունը չի տուժել, պատասխանեց․ «Չէ, բարեբախտաբար, չի տուժել, որովհետև ես ունեմ լավ թիմ և միևնույն ժամանակ Բելառուսի թիմն էլ էր այստեղ, նրանք շարունակեցին հանգիստ աշխատել, և ես գնացի ու եկա: Բայց երևույթը տհաճ էր»,- ասաց Բաբլոյանը։
Մանրամասները՝ տեսանյութում։
