10.09.2026 | 21:13
Զինված միջադեպ Ստամբուլում․ երկու մարդ զոհվել է, մեկը՝ վիրավորվել
Ով էր Նորագավիթում սպանված տղամարդը․ նոր մանրամասներ
Հասարակություն
04.10.2017 | 14:24
Թվում է, կրակոցներն ու արյունալի հաշվեհարդարները երևանյան անցուդարձի մասն են դարձել։ Հոկտեմբերի 3-ի երեկոյան կրակոցներ են հնչել Նորագավիթ թաղամասում։
Հրազենային վնասվածքով «Էրեբունի» ԲԿ է տեղափոխվել 48-ամյա մի տղամարդ, որի կյանքը չի հաջողվել փրկել։ Առավոտյան նա մահացել է հիվանդանոցում։ Սպանվածը 48-ամյա վարորդ Սամվել Ավագյանն է, նա բազմանդամ ընտանիք ուներ, կին, երեխաներ։ Ավագյանը օրինավոր վարքով չի առանձնացել և բազմիցս հայտնվել է իրավապահների ուշադրության կենտրոնում, երկու անգամ բանտ է նստել։ 1998 թվականին նա դատապարտվել է ազատազրկման` անզգուշությամբ մահ պատճառելու հոդվածով, իսկ 2001 թվականին` հրդեհային անվտանգության կանոնների խախտման համար։
Ավագյանը փողոցային կռիվների մասնակից է եղել։ Վերջին անգամ դատվել է 2008 թվականին, դիտավորությամբ մարդու առողջությանը ծանր վնաս պատճառելու համար։ Ըստ Երևանի քրեական դատարանի դատավճռի՝ Ավագյանը, որն այն ժամանակ «Գազել» մակնիշի մեքենա էր վարում, ալկոհոլ օգտագործած վիճակում վիճաբանության մեջ է մտել մեկ այլ ավտոմեքենայի վարորդի հետ՝ «սիգնալ տալու» համար և դանակահարել նրան։ Ավագյանի սպանության գործով վարույթ է սկսվել` սպանության և ապօրինի զենք կրելու հոդվածներով։ Իրավապահները հարցաքննում են Ավագյանի հարազատներին։ Նորագավիթ թաղամասում շրջանառվող վարկածի համաձայն` կատարվածը հաշվեհարդար էր։
Սյուզան Սիմոնյան
