13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ուժայինների ղեկավար կազմում նշանակումների ազատականացումը կբարձրացնի աշխատանքի արդյունավետությունը. ՏԵՍԱՆՅՈՒԹ
Քաղաքականություն
22.10.2019 | 15:51
Վերահաստատում ենք այն մոտեցումները, որ այս մարմինների ղեկավար կազմում նշանակումների ազատականացումն այն լուծումն է, որը հնարավորություն կտա Ազգային անվտանգության ծառայություններում և Ոստիկանության համակարգում պրոֆեսիոնալ և վստահելի ղեկավար կազմ ունենալ։ Այս մասին Ազգային ժողովում իր ելույթի ժամանակ ասաց «Իմ քայլը» խմբակցության պատգամավոր Վլադիմիր Վարդանյանը։
«Այս փոփոխություններով առաջարկվում են մոտեցումներ, որոնք կոչված են բարձրացնել այս մարմիններում աշխատանքի արդյունավետությունը։ Նախագիծը երկրորդ ընթերցմամբ հանձնաժողովում քննարկելուց հետո անդրադարձանք նաև մի շարք հարակից օրենքների, որոնցում փոփոխության կարիք կարող է առաջանալ։ Եվ այս փոփոխությունների կատարումը կարող է ամբողջական դարձնել այս նախագծերի փաթեթը, որովհետև այդ փոխկապակցվածությունը տարբեր օրենքների միջև շատ դեպքերում հնարավորություն է տալիս ունենալ այն իրավական կարգավորումը, որը նախատեսվում է։ Չէինք ուզենա, որ կանոնակարգումը լիներ հաշվի չառնելով այն բոլոր հարակից իրավական ակտերը, որոնցում հնարավոր է, որ անհրաժեշտ լինի փոփոխություն իրականացնել։ Մենք հանգեցինք եզրահանգմանը, որ անհրաժեշտ է լրացուցիչ ժամանակ և խորհրդարանին առաջարկում ենք դեմ քվեարկել նախագծին»,- նշեց Վլադիմիր Վարդանյանը։
Մանրամասները՝ տեսանյութում։
