Համակարգերը պետք է ծառայեն անձերին և ո՛չ հակառակը. Արման Բաբաջանյան. ՏԵՍԱՆՅՈՒԹ

Իմ խորին համոզմամբ՝ այս փոփոխություններով, որով մենք նախատեսել էինք երկրորդ ընթերցմամբ իրականացնել Ազգային անվտանգության ծառայության մարմիններում ծառայության մասին և Ոստիկանության ծառայության մասին օրենքներում, կարծում եմ՝ մեզ անխուսափելիորեն տանելու է այս համակարգերի ավտորիտարացմանը։

«Ուստի՝ կարծում եմ, որ Ոստիկանության և ԱԱԾ ղեկավարների նշանակումը քաղաքական դարձնելով մենք չենք ապահովում ուժային կառույցների գործունեության համար կենսական նշանակություն ունեցող սկզբունքներից մեկը՝ փոխզսպումների և հակակշիռների համակարգի առկայությունը։ Այդ սկզբունքը, ի դեպ, տեսանելի արդյունավետությամբ արդեն գործում է Զինված ուժերում՝ ի դեմս հայեցողական նախարարի և ԶՈւ-ի գլխավոր շտաբի պետի համաժամանակյա գործունեության։ Եվ այս համատեքստում, բանակի ղեկավար կազմի գործող կարգավիճակի պայմաններում, որևէ քննադատության չի դիմանում Ոստիկանությունն ու Ազգային անվտանգության ծառայությունը նախարարություն դարձնելու առաջարկությունը մերժելու իշխանության փաստարկը՝ այդ կառույցները չքաղաքականացնելու առումով, որովհետև եթե մենք այս մոդելով ունենք արդյունավետ գործող Զինված ուժեր, նաև Արտակարգ իրավիճակների նախարարությունն է նույն այդ մոդելով աշխատում, ապա ի՞նչն է խանգարում նույն կերպ նաև ունենալ Ներքին գործերի և Ազգային անվտանգության նախարարություններ»,- նկատեց Բաբաջանյանը։

Պատգամավորն ընդգծեց, որ համակարգերը պետք է ծառայեն անձերին և ո՛չ հակառակը։

Մանրամասները՝ տեսանյութում։