Քաղաքականություն
22.10.2019 | 14:28Սահմանադրական դատարանը, ըստ էության, պատասխան չի տվել ԱԺ-ի կողմից բարձրացված այն մտահոգություններին, որոնք պետք է փարատվեին կամ հաստատվեին: Այսօր ԱԺ-ում լրագրողների հետ զրույցում նման տեսակետ հայտնեց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով ՍԴ-ի կողմից ԱԺ դիմումի մերժման հիմքերին։
Նրա խոսքով՝ բոլոր մտահոգությունները՝ կապված ՍԴ-ի շուրջ ստեղված իրավիճակի հետ, շարունակում են արդիական մնալ: «Առկախված են մնացել այն բոլոր մտահոգությունները, որոնք կային մեր նախագծում։ Եվ փոխարենը ՍԴ-ն որոշում է կայացրել, դրանով ԱԺ նկատմամբ, իմ գնահատմամբ, ՍԴ կողմից դրսևորվել է անհարգալից վերաբերմունք, որը, իհարկե, անարձագանք չի մնա»,- ասաց Լիլիթ Մակունցը։
Նա շեշտեց, որ իրենք առաջնորդվելու են դատաիրավական համակարգի համապարփակ բարեփոխումների պլանով: Լիլիթ Մակունցը ՍԴ-ի որոշումի հրապարակումից հետո արձանագրել է, որ ՍԴ-ն դիրքավորվել է այնպես, որ չի ցանկանում լուծում տալ առկա խնդիրներին, ավելին՝ չի ցանկանում քննարկել։
«Սրանով իսկ ՍԴ-ն խորացրել է վստահության ճգնաժամը, որը կա ՍԴ-ի նկատմամբ»,- շարունակեց նա։
Մանրամասները՝ տեսանյութում:
Նարեկ Կիրակոսյան
