04.08.2026 | 13:37
Նարեկ Կարապետյանի ճեպազրույցը. ՈՒՂԻՂ
«Տիկի՛ն Զոհրաբյան, եթե Ձեզ մոտ դեժավյու է առաջանում, առաջարկ ունեմ». Արարատ Միրզոյան. ՏԵՍԱՆՅՈՒԹ
Քաղաքականություն
22.10.2019 | 12:58
Մեկուկես ժամ քննարկում ենք ընդդիմության մերժված նախագծերի հարցը, և պատճառաբանությունը, որ հետո Կառավարությունը բերելու է համակարգային փաթեթ, ինձ մոտ դեժավյուի տպավորություն է արթնացնում: Ազգային ժողովում այս մասին հայտարարեց ԲՀԿ խմբակցության պատգամավոր Նաիրա Զոհրաբյանը։
«Նախորդ իշխանությունը նույն կերպ էր ասում, և ես չեմ բացառում, որ վաղը չէ մյուս օրը Կառավարությունը կամ ձեզանից որևէ մեկն այս մերժված նախագծերի անունի մեջ մի հատ ստորակետ կփոխի, կբերի և կներկայացնի: Ի վերջո, այս նախագիծը համակարգային լուծում ներկայացնում է։ Եթե դուք ուզում եք այդ համակարգային լուծման վրա Կառավարության անունը գրված լինի, Կառավարությունը հիմա կարող է միանալ ԲՀԿ-ի ներկայացրած նախագծին։ Այլապես հակընդդեմ հիմնավորումները, որոնք այստեղ ներկայացրեցին, կներեք, մեր վստահ համոզմամբ՝ անհիմն են»,- ասաց Զոհրաբյանը։
ԱԺ նախագահ Արարատ Միրզոյանը, արձագանքելով Նաիրա Զորհաբյանին, ասաց. «Երբ որ Ձեզ մոտ ընդդիմության ծրագրերի մերժման մասով դեժավյու է առաջանում, ես առաջարկում եմ մի հատ էլ կարճ ժամանակ հատկացնել և նայել ընդդիմության ներկայացրած ընդունված նախագծերի վիճակագրությունը, համեմատել ու նոր մտածել՝ դեժավյուի տեղ կա՞, թե՞ չէ»։
Մանրամասները՝ տեսանյութում:
