12.06.2026 | 14:45
Հենրիխ Մխիթարյանը միջոցառման կմասնակցի «Փյունիկի» մարզադպրոցում
Նախագահից մինչև գլխավոր դատախազ մենք ենք ընտրել, ո՞նց եղավ՝ միայն ՍԴ նախագահը լեգիտիմ չէ․ ՀՀԿ խոսնակ. ՏԵՍԱՆՅՈՒԹ
Քաղաքականություն
22.10.2019 | 12:53
Հայաստանի թիվ մեկ խնդիրն անվտանգությունն է: Լրագրողների հետ զրույցում նման կարծիք հայտնեց ՀՀԿ խոսնակ Էդուարդ Շարմազանովը:
«Մարդ բռնելով, կոռուպցիոն շոուներով, անկապ թվերով… 2.5 տոկոսով աշխատատեղերն են ավելացել: Այդպես որ լինի, նախկին իշխանությունից ավելի ճոխ թվեր ոչ ոք չէր ներկայացրել: Եթե թվերով ենք խոսում, եկեք՝ խոսենք, պարոն Փաշինյան: Կարեն Կարապետյանի կառավարությունը 10.7 տոկոս տնտեսական ակտիվությամբ հեռացել է, դու կերազես այսօր 10.7 տոկոս ունենաս»,- հայտարարեց Շարմազանովը:
ՀՀԿ-ական գործիչն ասաց՝ Նիկոլ Փաշինյանն այսօր «գործեր է կարում բոլոր նրանց վրա, ովքեր քիչ թե շատ անկախ են»:
«Իսկ այսօր ՀՀ-ում գրեթե միակ անկախ և Սահմանադրության տառին ու ոգուն համապատասխան գործառույթներն իրականացնում է Սահմանադրական դատարանը: Եթե Հրայր Թովմասյանն ու ՍԴ դատավորները Քոչարյանի գործով կամ այլ գործերով այլ կարծիք ունենային, տեսեք՝ այդ 88 հոգի քայլողները ոնց էին ծափահարում: Երկրի նախագահից մինչև գլխավոր դատախազ մենք ենք ընտրել, ո՞նց եղավ՝ սրանք լեգիտիմ են, ՍԴ նախագահն ու դատավորները, որոնց ընտրել ենք և որոնք Նիկոլ Փաշինյանի հրամանները չեն կատարում, լեգիտիմ չեն»,- ասաց Շարմազանովը:
Մանրամասները՝ տեսանյութում:
