04.08.2026 | 15:28
Ֆլիկը չի բացառել, որ Յամալի խաղային դիրքը կարող է փոխվել «Բարսելոնայում»
Պարոն Թունյան, կոչ եմ անում՝ սթափվե՛ք, էդ տոնով մեզ հետ մի խոսեք․ Էդմոն Մարուքյանի ելույթը. ՏԵՍԱՆՅՈՒԹ
Քաղաքականություն
22.10.2019 | 12:34
Դուք ասացիք, որ ականջահաճո նախաձեռնություններ եք բերում, և վերջում չդիմացաք արդեն և երկրորդ ելույթի ժամանակ ասացիք պոպուլիզմ։ Պարո՛ն Թունյան, ես Ձեզ կոչ եմ անում, որ սթափվեք։ Անդրադառնալով ԱԺ տնտեսական հանձնաժողովի նախագահ, «Իմ քայլը» խմբակցության պատգամավոր Բաբկեն Թունյանի ելույթին՝ ԱԺ ամբիոնից հայտարարեց «Լուսավոր Հայաստան» խմբակցության ղեկավար Էդմոն Մարուքյանը։
«Դուք ինձ հիշեցնում եք այն օրերը, երբ Հանրապետական խմբակցության տարբեր ներկայացուցիչներ այդ ոճով խոսում էին ընդդիմության հետ։ Սա մեկ: Եվ երկրորդը՝ պոպուլիզմից ով խոսի-չխոսի, Դուք, կարծում եմ, խոսելու տեղ չունեք։ Դուք պոպուլիզմը քննադատելու առումով պետք է շատ խորը, լուրջ մեդիտացիա անեք ու նոր գաք, այստեղ խոսեք։ Հենց դա է՝ մենք պոպուլիզմով չենք զբաղվում, և հենց դա է պատճառը, որ էսքան քննադատության առարկա են դառնում մեր բոլոր առաջարկները։ Հանդարտվե՛ք, սթափվե՛ք, և այդ տոնով մեզ հետ մի՛ խոսեք»,- եզրափակեց Մարուքյանը։
Մանրամասները՝ տեսանյութում։
