29.03.2026 | 14:17
Հենրիխ Մխիթարյանի նախկին մարզիչը սրտի կանգ է ունեցել մարզման ժամանակ
«Չեմ հետաքրքրվել, չեմ տեսել». Գագիկ Ծառուկյանը՝ Ռոբերտ Քոչարյանի առողջական վիճակի մասին. ՏԵՍԱՆՅՈՒԹ
Քաղաքականություն
22.10.2019 | 12:18
ԱԺ ԲՀԿ խմբակցության ղեկավար Գագիկ Ծառուկյանը չի հանդիպել Ռոբերտ Քոչարյանին, չի հետաքրքրվել, նրա առողջական վիճակով: ԱԺ-ում լրագրողների հետ ճեպազրույցում Ծառուկյանն ասաց՝ միայն մամուլից է տեղեկացրել երկրորդ նախագահի առողջական վիճակի մասին:
«Առանց տեսնել ձեզնից չեմ պրծնում, ձեր ցավը տանեմ»,- կատակեց ԲՀԿ առաջնորդը:
Լրագրողի դիտարկմանը՝ չի՞ հետաքրքրում նրան Ռոբերտ Քոչարյանի վիճակը, Ծառուկյանն ասաց, որ բոլոր նախագահների վիճակն էլ իրեն հետաքրքրում է, քանի որ ապրում է այս երկրում:
«Անընդհատ ուզում եք կապեք Ռոբերտ Քոչարյան, Սերժ Սարգսյան, բայց ամեն մեկն իր տեսակետն ունի, ես էլ իմ տեսակետն ունեմ: Ուզում եմ, որ լավ լինի, իմ երկիրը զարգանա, ժողովուրդը լավ ապրի, իսկ այդ բոլոր հնարավորությունները մենք ունենք, միայն պետք է միասնական լինենք, պետք է բոլորս միավորվենք: Այս 30 տարվա ընթացքում պետք է այնպես լիներ Արցախի խնդիրը, որ Ալիևը երբեք ռիսկ չաներ տառ ու բառ հոխորտար, քայլ աներ, այլ իմանար, քայլ անելուց էլի կկորցնի»,-ասաց նա:
Հիշեցնենք, որ Մարտի 1-ի գործով մեղադրյալ Ռոբերտ Քոչարյանը վիրահատվել է, նա հիվանդանոցից դուրս է գրվել և տեղափոխվել է «Երևան» ՔԿՀ:
Մանրամասները՝ տեսանյութում:
Նարեկ Կիրակոսյան
