08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
«Օրենքի անհրաժեշտությունը չտեսանք»․ Միքայել Մելքումյանի նախագիծը մերժվեց. ՏԵՍԱՆՅՈՒԹ
Քաղաքականություն
22.10.2019 | 11:47
Ներդրումային ծրագրերի իրականացման պետական աջակցության մասին օրենքի նախագծի հարակից զեկուցողը ներկայացրեց Կառավարության տեսակետը, խնդիրը տրիվյալ է, այսինքն՝ մեկ պատուհան: Եթե այդ մեկ պատուհանը դուք եք ուզում անել, եկեք, համահեղինակ դարձեք, և Կառավարությունը թող գա, ասի՝ ես համահեղինակ եմ քեզ հետ, ոչ թե ասենք, որ մեկ պատուհանը մենք բերենք։ Այս մասին ԱԺ-ում վարման կարգով ելույթի ժամանակ ասաց «Բարգավաճ Հայաստան» խմբակցության պատգամավոր Միքայել Մելքումյանը:
«Ինքս զրուցել եմ նաև բարձրաստիճան մի քանի պաշտոնյաների հետ: Այսինքն, եթե տարին վերջանա, հանկարծ այդ մեկ պատուհանի լիազոր պատասխանատուն ներդրում չլինի, կառաջանա քաղաքականապես հրաժարականի հարց։ Պետք է քննարկենք, բոլորս շահագրգռված ենք, որ երկրում լինեն ներդրումներ։ Օրենքով պետք է ինստիտուցիոնալ գործիք սահմանենք»,- նկատեց Մելքումյանը։
«Իմ քայլը» խմբակցության պատգամավոր Բաբկեն Թունյանն էլ նկատեց, որ հանձնաժողովի նիստից առաջ իրենք աշխատանքային քննարկման ձևաչափով անդրադարձել են հարցին:
«Եվ այն խնդիրը, որ պետք է հեշտացվեն գործարարի համար աշխատելու պայմանները, հարցը հետևյալն էր, նախ՝ այս հարցը լուծելու համար որքանո՞վ է անհրաժեշտ օրենքը, և երկրորդ՝ Ձեր բերած օրենքի նախագիծը որքանո՞վ է դա լուծում: Պարո՛ն Մելքումյան, 2 տարբերակով էլ մենք այս օրենքի անհրաժեշտությունը չտեսանք»,- նշեց Թունյանը։
Ներդրումային ծրագրերի իրականացման պետական աջակցության մասին օրենքի նախագիծը 7-րդ գումարման 3-րդ նստաշրջանի օրակարգում ընդգրկելու մասին հարցը չընդունվեց։ Նախագծին կողմ քվեարկեց 42 պատգամավոր, դեմ՝ 74, ձեռնպահ՝ 4։
Մանրամասները՝ տեսանյութում:
