30.04.2026 | 14:18
Էլինա Ավանեսյանը չի ներկայացել մրցախաղին
ԱԺ քննիչ հանձնաժողովը կուսումնասիրի Կարեն Կարապետյանի հայտարարությունը
Քաղաքականություն
21.10.2019 | 19:20
Ապրիլյան պատերազմի հանգամանքներն ուսումնասիրող ԱԺ քննիչ հանձնաժողովն ուսումնասիրելու է նախկին վարչապետ Կարեն Կարապետյանի այն հայտարարությունը, որ 2016 թվականին բանակին մատակարարվող բենզինն անորակ է եղել։ Այս մասին Factor.am-ի հարցին ի պատասխան ասաց հանձնաժողովի նախագահ Անդրանիկ Քոչարյանը։
Հիշեցնենք, որ վարչապետ Կարեն Կարապետյանը կառավարություն-ԱԺ հարցուպատասխաններից մեկի ժամանակ հայտնել էր, որ անորակ վառելիքի պատճառով անցյալ տարի ապրիլյան պատերազմի ժամանակ հայկական կողմի զինտեխնիկան չէր աշխատում:
«Ունենք կասկած, որ վառարանային վառելիքը հետո գնում է, կերոսինի հետ խառնվում է, և մենք շուկայում ունենում ենք անորակ նավթամթերք: Դուք շատ լավ հիշում եք, որ ապրիլյան դեպքերի ժամանակ մենք ունեինք բազմաթիվ դեպքեր, երբ որ մեր ռազմական տեխնիկան չէր աշխատում հենց դրա պատճառով»,- ասել էր Կարեն Կարապետյանը ԱԺ ամբիոնից։
Factor.am-ն Անդրանիկ Քոչարյանից հետաքրքրվեց՝ հնարավոր է հանձնաժողով հրավիրեն նաև «Ֆլեշ» ընկերության սեփականատեր Բարսեղ Բեգլարյանին, քանի որ տարիներ շարունակ նա բանակին դիզվառելիք է մատակարարել։ «Եթե պետք լինի՝ այո, բայց մինչ այդ մենք շատ անելիքներ ուենք»,- ասաց նա։
Նարեկ Կիրակոսյան
