18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Եթե ուզում ես լինել կուսակցություն, պետք է ֆինանսավորվես օլիգարխից կամ հեղափոխություն անես. Լևոն Զուրաբյան. ՏԵՍԱՆՅՈՒԹ
Քաղաքականություն
18.10.2019 | 17:56
ՀԱԿ փոխնախագահ Լևոն Զուրաբյանը կարծում է, որ պետք է կուսակցությունների ֆինանսական աղբյուրները թափանցիկ լինեն: Այս մասին նա ասաց խորհրդարանում կազմակերպված լսումների ժամանակ:
«Այս հարցը կարևոր է, որպեսզի հասկանանք, թե ում են ծառայում կուսակցությունները: Հայաստանում, եթե ուզում ես լինել կուսակցություն, պետք է ֆինանսավորվես մի խոշոր օլիգարխից կամ պետք է ֆինանսավորվես դրսից կամ պետք է դառնաս իշխանության գրպանային կուսակցություն, կամ էլ պետք է հեղափոխություն անես: Քաղաքական դաշտը դեռ առողջացված համարել չի կարելի, կարելի է ասել, որ ստեղծված են պայմաններ, հնարավորություն՝ առողջացնելու քաղաքական համակարգը: Մենք առաջարկում ենք կուսակցությունների ֆինանսավորումը դարձնել իրապես ժողովրդավարական»,- ասաց Զուրաբյանը:
Նա առաջարկում է ֆիզիկական անձանց եկամտահարկի և իրավաբանական անձանց ԱԱՀ-ի 0.25-ական տոկոսներն իրենց ցանկությամբ և ընտրությամբ յուրաքանչյուր տարի ուղղվի կուսակցություններին: Ըստ նրա՝ այդ գումարը չի գերազանցի 10 մլն դոլարը:
Մանրամասները՝ տեսանյութում:
Նարեկ Կիրակոսյան
