02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Մանրամասներ՝ «Իմ քայլը» խմբակցության նիստից. այն մի քանի ժամ է տևել
Քաղաքականություն
18.10.2019 | 16:48
Երեկ տեղի է ունեցել «Իմ քայլը» խմբակցության փակ նիստը, որը տևել է բավականին երկար:
Պատգամավորները քննարկել են Հաշվեքննիչ պալատի անդամի թեկնածու առաջադրելու հարցը: Քննարկումների արդյունքում պատգամավորները որոշել են առաջադրել Սամվել Եղիազարյանի թեկնածությունը: Նա այս պահին զբաղեցնում է Երևանի քաղաքապետարանի աուդիտի բաժնի պետի պաշտոնը:
Տեղեկությունը Factor.am-ի հարցերին ի պատասխան փոխանցեց «Իմ քայլը» խմբակցության պատգամավոր Արփի Դավոյանը: Առաջադրված թեկնածուներից մեկն էլ եղել է Կարեն Առուստամյանը: Նա այս պահին զբաղեցնում է Հաշվեքննիչ պալատի մեթոդաբանության, վերլուծության և միջազգային կապերի վարչության պետի պաշտոնը: 2005 թվականից աշխատում է կառույցում: Կարեն Առուստամյանը Հաշվեքննիչ պալատի նախագահ Լևոն Յոլյանի ընկերոջ փեսան է: «Իմ քայլը» խմբակցությունից մեզ փոխանցեցին, որ նրան չառաջադրելու պատճառը եղել է Լևոն Յոլյանի հետ փոխկապակցված լինելը: Վերջինս, ի դեպ, Սերժ Սարգսյանի ընկերն է:
Նարեկ Կիրակոսյան
