27.09.2026 | 15:06
Հայազգի տիեզերագնաց Հարություն Կիվիրյանը կուղևորվի Միջազգային տիեզերակայան
Միայն Հրայր Թովմասյա՞նը մեզ հետ կապ ունի, իրենց ֆրակցիայի կեսը մեզ հետ կապ է ունեցել. Էդուարդ Շարմազանով. ՏԵՍԱՆՅՈՒԹ
Քաղաքականություն
18.10.2019 | 16:13
Եկել եմ՝ իմ աջակցությունը հայտնելու սահմանադրականության համար պայքարող ՍԴ-ին և ՍԴ նախագահին: Եկել եմ նաև իմ վրդովմունքը հայտնելու այն մարդկանց, այն գործելաոճին, երբ իրավական գործընթացները խառնում են քաղաքականին, իսկ քաղաքականը՝ ընտանեկանին: Այսօր ԱԱԾ-ի դիմաց կազմակերպված ակցիայի ժամանակ լրագրողների հետ զրույցում ասաց ՀՀԿ խոսնակ Էդուարդ Շարմազանովը:
«Այն, ինչ այսօր տեղի է ունենում Հայաստանում, այն, ինչ տեղի է ունենում Սահմանադրական դատարանի նախագահ Հրայր Թովմասյանի և նրա ընտանիքի՝ երեխաների և հոր նկատմամբ, ոչ այլ ինչ է, քան 37 թվականի ռեպրեսիաների ժամանակներում: Մենք ամեն ինչ անելու ենք, որպեսզի վերադարձ դեպի անցյալ՝ դեպի 37 թվական տեղի չունենա»,- հավելեց նա:
Էդուարդ Շարմազանովը ՍԴ-ի շուրջ ստեղծված իրավիճակն իրավական գործընթաց չի համարում. «Բոլոր նրանք, ովքեր «չեն կզում» այսօրվա ռեժիմի տակ, դառնում են քաղաքական հետապնդվողներ: Այսինքն՝ նախկին իշխանությունն ընտրել է միայն Հրայր Թովմասյանի՞ն: Միայն Հրայր Թովմասյա՞նը մեզ հետ կապ ունի: Իրենց ֆրակցիայի կեսը մեզ հետ կապ է ունեցել»:
Մանրամասները՝ տեսանյութում:
