18.10.2026 | 16:10
Որակյալ կերերից մինչև մաքրացեղ խոզեր․ «Օջախ Ագրո»-ի առաջարկները․ ՏԵՍԱՆՅՈւԹ
Կուսակցություններին տրվող պետական ֆինանսավորումը պետք է ավելացվի. Դանիել Իոաննիսյան. ՏԵՍԱՆՅՈՒԹ
Քաղաքականություն
18.10.2019 | 13:29
ՀՀ-ում տարիներ շարունակ կուսակցական համակարգը սպանվել է: ԱԺ-ում Կուսակցությունների մասին օրենքի փոփոխությունների թեմայով լսումների ժամանակ նման կարծիք հայտնեց «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը:
«Հայաստանում կուսակցությունների ինստիտուտ, ըստ էության, չկա: Սոցհարցումների համաձայն՝ կուսակցությունների հանդեպ վստահությունը 2-ից 5 տոկոս է: Այս խորհրդարանի ֆունկցիան է՝ կերտել կուսակցությունների ինստիտուտը Հայաստանում: Եթե այս խորհրդարանը չհաջողի այս հարցում, ապա մենք երբեք չենք ունենա խորհրդարանական ժողովրդավարություն»,- ասաց բանախոսը:
Ըստ Դանիել Իոաննիսյանի՝ Կուսակցությունների ինստիտուտը զարգացնելու առաջնային պայմաններից մեկը պետական ֆինանսավորումն է:
«Կուսակցություններին տրվող պետական ֆինանսավորումը պետք է արմատապես ավելացվի, բայց ի՞նչ մեխանիզմով պետք է որոշվի, թե որ կուսկացությունը որքան գումար է ստանա: Մենք առաջարկում ենք ՀՀ քաղաքացիներին տալ հնարավորություն, որ այցելեն հարկային կամ այլ մարմին և որոշեն, թե իրենց հարկերից քանի տոկոսը որ կուսակցությանն ուղղվի»,- նշեց Դանիել Իոաննիսյանը:
Մանրամասները՝ տեսանյութում:
Նարեկ Կիրակոսյան
