27.09.2026 | 13:23
ԱՄՆ մեկնել զբոսաշրջային վիզայով՝ ծննդաբերելու և երեխային քաղաքացիություն ապահովելու նպատակով, չի թույլատրվում․ դեսպանություն
Կանայք պետք է զբաղեցնեն որոշում կայացնող պաշտոններ, նրանք կազմում են բնակչության կեսը. Լենա Նազարյան. ՏԵՍԱՆՅՈՒԹ
Քաղաքականություն
18.10.2019 | 12:37
Այսօր ԱԺ-ում «Կուսակցությունների մասին սահմանադրական օրենք, առկա խնդիրները և փոփոխությունների շրջանակը» թեմայով լսումների ժամանակ ԱԺ փոխնախագահ Լենա Նազարյանը խոսեց այն մասին, որ 2015 թվականին անձամբ մասնակից լինելով կուսակցության ձևավորման գործընթացին՝ լավ է պատկերացնում խնդիրները, ըստ այդմ էլ ներկայացրել է իր առաջարկությունները:
«Կներեք, բայց ես չեմ հավատում, որ կուսակցությունը, որը չունի ներքին ժողովրդավարության կանոններ և փորձ, ստանձնելով երկրի կառավարումը, կարող է երկիրն առաջնորդել ժողովրդավարության ճանապարհով, որովհետև այդ կուսակցությունն իր ներսում չունի պատկերացում, թե ինչ է ժողովրդավարությունը: Ես չեմ հավատում, որ կուսակցությունները, որոնք մերժում են ներքին ընտրությունների միջոցով ղեկավար կազմի ձևավորումը, երկիրը կառավարելիս կապահովեն ազատ և արդար պայմաններ ընտրությունների համար:
Ես չեմ հավատում, որ այն կուսակցությունները, որոնք չեն դրսևորում կանանց և տղամարդկանց հանդեպ հավասար, անխտրական խոսք, կարող է գրեթե հավասարաչափ կանանցից և տղամարդկանցից բաղկացած հասարակության համար հաստատել հավասար իրավունքներ: Կանայք պետք է զբաղեցնեն որոշում կայացնող պաշտոններ»,- ասաց նա:
Մանրամասները՝ տեսանյութում:
Նարեկ Կիրակոսյան
