12.06.2026 | 14:45
Հենրիխ Մխիթարյանը միջոցառման կմասնակցի «Փյունիկի» մարզադպրոցում
Առաջարկվում է կուսակցություն գրանցելիս անդամների թիվը 800-ից դարձնել 300-ի․ սահմանադրագետ. ՏԵՍԱՆՅՈՒԹ
Քաղաքականություն
18.10.2019 | 12:34
Սահմանադրագետ, իրավաբան Արմեն Մազմանյանը, ով մասնակցել է «Կուսակցությունների մասին» սահմանադրական օրենքի մշակման աշխատանքներին, թեմայի վերաբերյալ խորհրդարանական լսումների ժամանակ ներկայացրեց մշակման ընթացակարգը՝ որպես անկախ փորձագետ:
Նա նշեց, որ կարևորագույն մասերից է կուսակցությունների ֆինանսավորումը, կոռուպցիոն ռիսկերի նվազումը, կուսակցական գործունեության և բիզնեսի տարանջատումը. սրանք են նկատի ունեցել օրենքը մշակելիս: Մազմանյանն անդրադարձավ աշխատանքային խմբի կողմից ներկայացված առաջարկություններին, որոնք բաժանել են հիմնահարցերի խմբերի՝ բլոկերի։
Գրանցման համար անդամների պահանջված թիվը նշված է որպես 800, միջազգային փորձի ուսումնասիրությունը ցույց է տալիս, որ շատ ավելի մեծ բնակչություն ունեցող երկրներում թիվն ավելի նվազ է, օրինակ՝ Ֆրանսիայում 3 հոգի է պահանջվում, ՌԴ-ում՝ ընդամենը 500 հոգի:
«Աշխատանքային խումբը, այսպես ասեմ, չհամարձակվեց շատ ազատական մոտեցման, 3 հոգին ազատական կլիներ, առաջարկություն է եղել անդամների թիվն իջեցնել 300 հոգու: Ազատականացման շրջանակում մյուս առաջարկությունը տարածքային ստորաբաժանումներ ունենալու պահանջն է, որը բարդ ֆորմուլայով է ներկայացված այսօրվա օրենքում, բայց պահանջվում է գրանցված տարածքային ստորաբաժանումներ ունենալ մարզերի 1/4-ում: Աշխատանքային խումբը չի կարևորել՝ հաշվի առնելով տեխնոլոգիական արդի հնարավորությունները»,- ասաց իրավաբանը:
Մանրամասները՝ տեսանյութում:
Նարեկ Կիրակոսյան
