17.11.2024 | 14:19
Նոյեմբերի 18-ի երեկոյան ժամերին և 19-ին սպասվում է կարճատև անձրև
Եթե պետք լինի, Վիտալի Բալասանյանն ապրիլյան հանձնաժողով կհրավիրվի հրապարակավ. Անդրանիկ Քոչարյան. ՏԵՍԱՆՅՈՒԹ
Քաղաքականություն
17.10.2019 | 12:17
Ամեն օր մեր երկրի կյանքը, կարծես, պտտվում է Վիտալի Բալասանյանի հնչեցրած անհեթեթ օրակարգի շուրջ: Այսօր Ազգային ժողովում լրագրողների հետ զրույցում անդրադառնալով Արցախի ԱԽ նախկին քարտուղարի Վիտալի Բալասանյանի ասուլիսին՝ ասաց «Իմ քայլը» խմբակցության պատգամավոր, ապրիլյան պատերազմի հանգամանքներն ուսումնասիրող խորհրդարանական հանձնաժողովի ղեկավար Անդրանիկ Քոչարյանը:
«Վիտալի Բալասանյանն անդրադարձել է նաև իմ հնչեցրած հարցին, որը վերաբերում էր՝ կանչելո՞ւ ենք ապրիլյանի հանձնաժողովին իրեն, թե՞ ոչ: Ես ասել եմ, որ չենք կանչելու այն պարզ պատճառով, որ Վիտալի Բալասանյանն ապրիլյան դեպքերի ժամանակ որևէ իրավասություն չէր կարող ունենալ, որովհետև ինքը չի գտնվել Զինված ուժերի կառավարման համակարգում: Ինքը զորացրված է եղել վաղուց»,- ասաց Անդրանիկ Քոչարյանը:
Նրա խոսքով՝ ապրիլյան պատերազմին բոլորն են գնացել առաջնագիծ՝ աջակցելու մեր զինվորներին. «Նաև Վիտալի Բալասանյանը, ենթադրում եմ: Հայաստանից ազատամարտի մասնակից բազմաթիվ մարդիկ: Եվ որևէ մեկը դրանից չի դարձրել հերոսապատման նոր դրվագ»:
Քոչարյանը նշեց, որ Բալասանյանն ասուլիսի ժամանակ նաև ասել է՝ եթե Հայաստանից ինչ-որ կառույցներ իրավական հարթությունում իրեն հարցեր ունենան, ինքը չի պատրաստվում գալ, քանի որ Արցախի Հանրապետության քաղաքացի է:
«Ես դա լավ չհասկացա, բայց եթե անհրաժեշտություն լինի, ես հրապարակային կդիմեմ պարոն Բալասանյանին, և եթե ասելիք ունի, կկանչենք հանձնաժողով: Եթե դրա կարիքն ինքը զգա, թող գա»,- հավելեց Անդրանիկ Քոչարյանը:
Մանրամասները՝ տեսանյութում:
