10.09.2026 | 17:01
1.45 մլրդ դրամ՝ Գյումրու թիվ 2 պոլիկլինիկայի հիմնանորոգման համար
Ճիշտ է, որ Սերժ Սարգսյանը լինի վարչապետ. Հակոբ Հակոբյան
Քաղաքականություն
03.10.2017 | 16:27
ԱԺ ՀՀԿ խմբակցության պատգամավոր Հակոբ Հակոբյանը հորդորում է դիմել հանրությանը՝ պարզելու համար՝ պաշտոնավարման մեկ տարվա ընթացքում արդյոք հաջողվեց վարչապետ Կարեն Կարապետյանին արդարացնել հանրության ակնկալիքները:
«Հանրապետական կուսակցությունն այսօր իշխող կուսակցություն է, մենք ունենք բավականին մանդատներ Ազգային ժողովում և Հանրապետական կուսակցությունն ինքն է որոշելու, թե ով լինի երկրի վարչապետը: Ճիշտ է, որ քաղաքական կուսակցության ղեկավարը պատասխանատվություն վերցնի իր վրա և լինի վարչապետ»,- նշեց Հակոբ Հակոբյանը:
Մեկ տարի առաջ՝ մինչ Կարեն Կարապետյանը կստանձեր վարչապետի պաշտոնը, Հակոբ Հակոբյանը հայտարարել էր՝ անձամբ է ստուգել, թե քաղաքացիներն ինչ կարծիք ունեն Կարապետյանի մասին:
«Երեկ ես գտնվում էի պանիխիդայում, և մարդկանց ուղղակի շատ պարզ հարցեր ես էի տալիս և իրանք էին ինձ տալիս, և ասացին, որ դրական էր»,- բառացի ասել էր Հանրապետական պատգամավորը:
Հակոբյանին այսօր խնդրեցինք պարզաբանել՝ հիմա չի՞ հետաքրքրվում, թե ինչ են մտածում քաղաքացիները վարչապետ Կարեն Կարապետյանի մասին. «Երբ ասեցի, որ կա համակրանք, ինձ ասեցին՝ էդ ոնց որոշեցիք, որ կա համակրանք, ձեր գործն էլ չեմ անի, դուք կգնանք կհարցնեք, դուք էլ պատասխանը կկրեք»:
Մանրամասները՝ տեսանյութում:
Շողիկ Գալստյան
