27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Երեկ երեկոյան մենք Սերժ Սարգսյանի հետ ընթրել ենք․ Վիտալի Բալասանյան. ՏԵՍԱՆՅՈՒԹ
Քաղաքականություն
15.10.2019 | 17:01
Ոմանց մոտ այնպիսի տպավորություն է, որ Վիտալի Բալասանյանի և Սերժ Սարգսյանի հանդիպումը հանցավոր մի բան է։ Ես բոլորի հետ եմ հանդիպում․ մենք միասին ճանապարհ ենք անցել. այս մասին այսօր՝ Ստեփանակերտում հրավիրված մամուլի ասուլիսի ընթացքում նշեց Արցախի Անվտանգության խորհրդի նախկին քարտուղար Վիտալի Բալասանյանը՝ պատասխանելով Factor.am-ի հարցին, թե ինչ պարբերականությամբ է հանդիպում ՀՀ նախկին վարչապետ Սերժ Սարգսյանի հետ։
«Երբ Սերժ Սարգսյանն Արցախում է լինում, մեր մարտական խմբի ընկերներով հավաքվում ենք։ Անկեղծ եմ ասում՝ երբ Նիկոլ Փաշինյանն իշխանության է եկել, հանդիպել եմ Սերժ Սարգսյանի և մնացածի հետ։ Ինձ ասել է՝ «ամեն ինչ կանեք, որպեսզի Հայաստանի հետ չհակադրվեք, պետք է հարաբերությունները ջերմ պահել։ Երբևիցե Սերժ Սարգսյանը չի կարող ինձ ուղղորդել»,- ասաց Վիտալի Բալասանյանը։
Նրա խոսքով՝ Սերժ Սարգսյանն այս պահին էլ Արցախի Հանրապետությունում է գտնվում․ «Երեկ երեկոյան միասին ընթրել ենք։ Քաղաքական որևէ հարց չենք քննարկում թե՛ Հայաստանում, թե՛ Արցախում»։
Մանրամասները՝ տեսանյութում։
Նելլի Մելքոնյան
