27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Վիեննայի փաստաթուղթը Նիկոլ Փաշինյանն ի չիք դարձրեց․ Վիտալի Բալասանյան. ՏԵՍԱՆՅՈՒԹ
Քաղաքականություն
15.10.2019 | 16:38
Բանակցային սեղանին կարող է դրված լինել մեկ փաստաթուղթ, բայց խոսեն ընդհանրապես այլ բանից։ Խնդիրը նրանում է, որ Նիկոլ Փաշինյանն ասում է մեկ, մտածում՝ երկրորդ, կատարում՝ ընդհանրապես երրորդ բանը։ Նախկին՝ երկրորդ և երրորդ նախագահների դեպքում այդպիսի բան չի եղել. այս մասին այսօր՝ Ստեփանակերտում հրավիրված մամուլի ասուլիսի ընթացքում նշեց Արցախի Անվտանգության խորհրդի նախկին քարտուղար Վիտալի Բալասանյանը։
«Անկախ նրանից, թե բանակցային սեղանին ինչ փաստաթուղթ է եղել, անվտանգությունը խաթարված չի եղել։ Այսօր դա խաթարված է․ ուղղությունը դեպի Արևմուտք է, որը շատ վտանգավոր է մեր տարածքի համար։ 2016 թվականին ստացանք Վիեննայի փաստաթուղթը, որը Նիկոլ Փաշինյանը մեկ վայրկյանի ընթացքում ի չիք դարձրեց։ Այդ փաստաթղթով արդեն իսկ ճանաչվում էր Արցախ-Ադրբեջան սահմանագիծը։ Փաշինյանին հորդորել ենք, խնդրել, որ դա շատ կարևոր փաստաթուղթ է։ Եթե դա կյանքի կոչվեր, այսօր զոհեր չէինք ունենա»,- ասաց Բալասանյանը։
Մանրամասները՝ տեսանյութում։
Նելլի Մելքոնյան
